![metaverse](https://cdn.abplive.com/imagebank/metaverse-top.png)
Tamasha Live : 'तमाशा लाईव्ह'मधील 'फड लागलाय' गाणं प्रदर्शित; 15 जुलैला सिनेमा होणार रिलीज
Tamasha Live : 'तमाशा लाईव्ह' हा सिनेमा 15 जुलैला प्रेक्षकांच्या भेटीला येणार आहे.
![Tamasha Live : 'तमाशा लाईव्ह'मधील 'फड लागलाय' गाणं प्रदर्शित; 15 जुलैला सिनेमा होणार रिलीज Tamasha Live The song Fad Laglay from Tamasha Live is screened The movie will be released on July 15 Tamasha Live : 'तमाशा लाईव्ह'मधील 'फड लागलाय' गाणं प्रदर्शित; 15 जुलैला सिनेमा होणार रिलीज](https://feeds.abplive.com/onecms/images/uploaded-images/2022/07/09/c274ec3ff3a68e9945c9f27a6b529c291657388058_original.jpg?impolicy=abp_cdn&imwidth=1200&height=675)
Tamasha Live : संगीत… भावना व्यक्त करण्याचे एक उत्तम माध्यम. या संगीतातून जर एखादी कथा पुढे जात असेल तर? संगीतप्रेमींसाठी ही एक पर्वणीच ठरेल. असाच संगीत नजराणा घेऊन दिग्दर्शक संजय जाधव (Sanjay Jadhav) सज्ज झाले आहेत. ‘तमाशा लाईव्ह’ची ही म्युझिकल ट्रीट येत्या 15 जुलैपासून संगीतप्रेमींच्या भेटीला येणार आहे.
सांगितिक मैफलीतील आणखी एक गाणं प्रेक्षकांच्या भेटीला आले आहे. 'फड लागलाय' असे या गाण्याचे बोल असून 'ब्रेकिंग न्यूज' मिळवण्यासाठीची चाललेली शर्यत या गाण्यात पाहायला मिळत आहे. हे गाणं अमितराज, साजन बेंद्रे आणि वैशाली सामंत यांनी गायले असून याला अमितराज यांनी संगीत दिले आहे. तर क्षितीज पटवर्धन यांनी या गाण्याला शब्दबद्ध केलं आहे.
‘तमाशा लाईव्ह’मधील प्रत्येक गाणं वेगळ्या धाटणीचे आहे. प्रत्येक गाण्यात एक घटना आहे, जी कथेला पुढे घेऊन जाणारी आहे. सिद्धार्थ जाधव आणि हेमांगी कवीवर चित्रीत या गाण्यातूनही कथा पुढे जात असून या गाण्यात बातम्यांचा फड रंगला आहे. या गाण्याचे नृत्य दिग्दर्शन उमेश जाधव यांनी केले आहे.
प्लॅनेट मराठी'चे प्रमुख, संस्थापक अक्षय बर्दापूरकर म्हणाले," 'तमाशा लाईव्ह' हा सिनेमा कोणा एकाचा नसून या सिनेमाशी जोडल्या गेलेल्या प्रत्येकाचा आहे. दिग्दर्शक, लेखक, कलाकार, संगीत टीम, नृत्य दिग्दर्शक या प्रत्येकाचीच भूमिका अतिशय महत्वपूर्ण आहे. आपापल्या क्षेत्रात माहीर असलेले कलावंत यात आहेत आणि हे सगळे एकत्र आल्याने हा एक भव्य सिनेमा बनला आहे. हा सिनेमा म्हणजे एक प्रयोग आहे आणि हा प्रयोग संजय जाधव सारखाच दिग्दर्शक यशस्वी करू शकतो. अरविंद जगताप यांचे संवाद त्यात अधिकच भर टाकणारे आहेत. अमितराज आणि पंकज पडघन या दोन्ही नामवंत संगीत दिग्दर्शकांनी एकत्र येऊन 'तमाशा लाईव्ह'मधील गाण्यांना चारचाँद लावले आहेत. ही खरेच एक म्युझिकल ट्रीट आहे.''
संबंधित बातम्या
Tamasha Live Official Trailer : संजय जाधव दिग्दर्शित 'तमाशा लाईव्ह' चित्रपटाचा भन्नाट ट्रेलर प्रदर्शित
Tamasha Live : ‘तमाशा लाईव्ह’ मधील ‘वाघ आला’गाणं रिलीज; 15 जुलैला चित्रपट होणार प्रदर्शित
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)