Tamannaah Bhatia: रजनिकांत यांच्या 'जेलर'मधील तमन्नाचा किलर लूक पाहिलात? हे कलाकार देखील साकारणार प्रमुख भूमिका
तमन्ना भाटिया (Tamannaah Bhatia) ही जेलर (Jailer) या चित्रपटामधून प्रेक्षकांच्या भेटीस येणार आहे.
Tamannaah Bhatia: प्रसिद्ध अभिनेत्री तमन्ना भाटिया (Tamannaah Bhatia) ही बाहुबली-2 (Baahubali 2) या चित्रपटामधून प्रेक्षकांच्या भेटीस आली. या चित्रपटामधील तिच्या अभिनयाचं अनेकांनी कौतुक केलं. बाहुबली-2 मुळे तमन्नाला विशेष लोकप्रियता मिळाली. तमन्नाने दाक्षिणात्य चित्रपटांबरोबरच हिंदी चित्रपटांमध्ये देखील काम केलं आहे. आता ती लवकरच जेलर (Jailer) या चित्रपटामधून प्रेक्षकांच्या भेटीस येणार आहे.
तमन्नाने जेलर या चित्रपटातील तिच्या किलर लूकचा फोटो सोशल मीडियावर शेअर केला. तसेच तमन्नाने या चित्रपटामधील इतर कलाकारांच्या लूकचे देखील फोटो शेअर केले आहेत. तमन्नाने हे फोटो शेअर करुन कॅप्शनमध्ये लिहिलं, 'शेवटी मी हे तुम्हा सर्वांसोबत शेअर करु शकले. थलायवा रजनिकांत आणि नेल्सन दिलीपकुमार यांनी दिग्दर्शित केलेल्या जेलर या चित्रपटाचा एक भाग होऊन मला खूप आनंद होत आहे.' तमन्नाच्या या पोस्टनं अनेकांचे लक्ष वेधले आहे.
जेलरमध्ये अॅक्शनचा तडका
जेलर या चित्रपटात तमन्नासोबतच प्रसिद्ध अभिनेते मोहनलाल, शिवराज कुमार, सुनील हे देखील प्रमुख भूमिका साकारणार आहेत. तमन्नाने या कलाकारांचा देखील लूक शेअर केला आहे. जेलर हा रजनिकांत यांचा 169 वा चित्रपट आहे. 'जेलर' सिनेमात प्रेक्षकांना अॅक्शनचा तडका अनुभवायला मिळणार आहे. या चित्रपटाची प्रेक्षक उत्सुकतेने वाट बघत आहेत. या चित्रपटाची रिलीज डेट अजून जाहीर करण्यात आलेली नाही.
तमन्नाची पोस्ट
View this post on Instagram
तमन्ना ही गेल्या काही दिवसांपासून तिच्या वैयक्तिक आयुष्यामुळे चर्चेत आहे. तमन्ना ही अभिनेता विजय वर्माला डेट करत आहे, असं म्हटलं जात आहे. तमन्ना आणि विजय हे एका कार्यक्रमात एकत्र स्पॉट झाले. अजूनपर्यंत या दोघांनी त्यांच्या रिलेशनशिपबाबत कोणतीही माहिती दिलेली नाही. विजय वर्मा याने गली बॉय आणि डार्लिंग्स या चित्रपटांमध्ये काम केलं आहे.
तमन्नाचे चित्रपट
काही दिवसांपूर्वी तमन्नाचा बबली बाऊंसर हा चित्रपट प्रेक्षकांच्या भेटीस आला होता. तसेच तिचा प्लॅन ए, प्लॅन बी हा चित्रपट नेटफ्लिक्सवर रिलीज झाला होता. या चित्रपटात तमन्नासोबत रितेश देशमुख हा देखील प्रमुख भूमिका साकारली आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
