Wednesday Box Office Collection: 'स्पायडर मॅन', 'जन नायगन' की 'मामाच्या गोव्याला जाऊया'; बुधवारी कोणत्या सिनेमावर प्रेक्षकवर्ग प्रसन्न, कोणी किती कमावले?
Wednesday Box Office Collection: बुधवारी कोणत्या सिनेमाने किती कोटींचं कलेक्शन केलं?
Wednesday Box Office Collection Reports: बुधवारी सिनेमागृहात (Box Office Collection) बरेच चित्रपट रिलीज झाले. पण विक डे असल्याकारणाने अनेक सिनेमांना बॉक्स ऑफिसवर फारसं यश मिळालेलं नाही. सगळे चित्रपट बॉक्स ऑफिसवर संघर्ष करताना दिसले. दरम्यान, बॉक्स ऑफिसवर 'स्पायडर मॅन ब्रँड न्यू डे' (Spiderman) या हॉलिवूड सिनेमाने बाजी मारली. या चित्रपटाने बॉक्स ऑफिसवर उत्तम कामगिरी केली. तर, 'जन नायगन' (Jan Nayagan) या सिनेमाच्या कमाईत घट होत असल्याचं पाहायला मिळालं. तर, मराठी सिनेमा 'मामाच्या गोव्याला जाऊया' (Mamachya Govyala Jauya) या सिनेमाच्याही कमाईत फारशी वाढ झाली नसल्याचं चित्र सध्या दिसत आहे. पण प्रेक्षकांकडून या सिनेमाला पसंती (Entertainment) मिळत आहे. कोणत्या सिनेमाने किती कोटींचं कलेक्शन केलं? जाणून घेऊयात.
'स्पायडर मॅन ब्रँड न्यू डे' या सिनेमाने बुधवारी किती कोटींचं कलेक्शन केलं? (Wednesday Box Office Collection)
'स्पायडर मॅन ब्रँड न्यू डे' या सिनेमाच्या दुसऱ्या मंगळवारच्या कमाईत वाढ झाली असल्याचं पाहायला मिळालं. 13 व्या दिवशी या सिनेमाने 8.50 कोटींचं कलेक्शन केलं. सॅकनिल्कच्या अर्ली ट्रेंड रिपोर्ट्सनुसार, 'स्पायडर मॅन ब्रँड न्यू डे' या सिनेमाने प्रदर्शनाच्या 14 व्या दिवशी म्हणजेच दुसऱ्या बुधवारी 6.45 कोटींचं कलेक्शन केलं आहे. 13 व्या दिवसाच्या तुलनेत 14 व्या दिवशी या सिनेमाच्या कमाईत घट झाली असल्याचं पाहायला मिळालं. भारतात 'स्पायडर मॅन ब्रँड न्यू डे' या सिनेमाने एकूण 14 दिवसांत 438 कोटींचं नेट कलेक्शन केलं आहे. लवकरच हा सिनेमा 500 कोटींचा टप्पा ओलांडू शकेल, अशी शक्यता वर्तवली जात आहे.
'जन नायगन'ने तिसऱ्या बुधवारी किती कोटींचा गल्ला जमवला? (Jana Naygan Box Office Collection)
तामिळनाडू राज्याचे मुख्यमंत्री थलपती विजय यांचा 'जन नायगन' या सिनेमाची प्रचंड झाली. हा सिनेमा थलपती विजय यांच्या सिने कारकिर्दीतील शेवटचा सिनेमा ठरला. या सिनेमाचे तिसऱ्या बुधवारी 1 हजार 989 शोज पार पडले. सॅकनिल्कच्या अर्ली ट्रेंड रिपोर्ट्सनुसार, या शोजमधून या चित्रपटाने 0.65 कोटींचं कलेक्शन केलं. मीडिया रिपोर्ट्सनुसार, या सिनेमाने भारतात आतापर्यंत एकूण 194.35 कोटींचं नेट कलेक्शन केलं आहे. तर, परदेशात या सिनेमाने 93.20 कोटींचं ग्रॉस कलेक्शन केलं आहे.
'मामाच्या गोव्याला जाऊया' या मराठी सिनेमाने आतापर्यंत किती कोटींचं कलेक्शन केलं? (Mamachya Govyala Jauya Marathi Film 13th Day Collection)
विजू माने दिग्दर्शित 'मामाच्या गोव्याला जाऊया' या मराठी सिनेमाची प्रचंड चर्चा झाली. दरम्यान, बॉक्स ऑफिसवर या सिनेमाची फारशी जादू चालली नाही. या सिनेमाने आतापर्यंत 1.80 कोटी रुपयांपर्यंत कलेक्शन केलं आहे. दरम्यान, 13 व्या दिवशी या सिनेमाने किती कोटींचं कलेक्शन केलं, हे पाहूयात. सॅकनिल्कच्या अर्ली ट्रेंड रिपोर्ट्सनुसार, 13 व्या दिवशी या सिनेमाने 3 लाखांचं कलेक्शन केलं आहे. माहितीनुसार, 12 व्या दिवशी या सिनेमाने 5 लाखांचं कलेक्शन केलं होतं. 12 व्या दिवसाच्या तुलनेत 13 व्या दिवशी या सिनेमाच्या कमाईत घट झाली असल्याचं पाहायला मिळालं. या सिनेमात अभिजीत चव्हाण, संतोष जुवेकर, कुशल बद्रिके, अंकुश चौधरी यांच्या प्रमुख भूमिका आहेत. या सिनेमाने भारतात आतापर्यंत एकूण 1.80 कोटींचं नेट कलेक्शन केलं आहे.
महत्त्वाच्या इतर बातम्या:
महत्त्वाच्या बातम्या
