Sushmita Sen Birthday: 18 व्या वर्षी मिस युनिव्हर्स ते ललित मोदीशी अफेअर! सुष्मिता सेनच्या आयुष्याचा चकित करणारा ग्राफ

Sushmita Sen Birthday: सुष्मिता ही तिच्या प्रोफेशनल लाईफबरोबरच तिच्या  वैयक्तिक आयुष्यामुळे देखील चर्चेत असते.सुष्मिताच्या वाढदिवसानिमित्त जाणून घेऊयात तिच्या वैयक्तिक आयुष्याबद्दल...

Sushmita Sen Birthday

Sushmita Sen Birthday: बॉलिवूडमधील प्रसिद्ध अभिनेत्री सुष्मिता सेनचा (Sushmita Sen) आज 48 वा वाढदिवस आहे. सष्मिता ही तिच्या अभिनयानं अनेकांची मनं जिंकतेय पण काही काळापासून सुष्मिता ही तिच्या प्रोफेशनल लाईफबरोबरच तिच्या  वैयक्तिक आयुष्यामुळे देखील चर्चेत असते. सुष्मिता सेनचं नाव काही लोकांसोबत जोडण्यात आलं पण सुष्मिता ही अजूनही अविवाहित आहे. सुष्मिताच्या वाढदिवसानिमित्त जाणून घेऊयात तिच्या वैयक्तिक आयुष्याबद्दल...

18 व्या वर्षी झाली मिस युनिव्हर्स (Sushmita Sen Miss Universe)

सुष्मिता सेनने 1994 मध्ये मिस युनिव्हर्सचा किताब जिंकला होता. त्यावेळी सुष्मिता 18 वर्षाची होती. त्यानंतर सुष्मितानं बॉलिवूडमध्ये काम करण्याचा निर्णय घेतला.

पहिलाच चित्रपट झाला फ्लॉप (Sushmita Sen First Movie)

सुष्मिताने तिच्या संपूर्ण अभिनयक्षेत्रातील करिअरमध्ये विविध प्रकारच्या भूमिका साकारल्या आहेत. 1996 मध्ये सुष्मिता सेनने 'दस्तक' या चित्रपटामधील अभिनय क्षेत्रात पदार्पण केलं. मात्र, तिचा पहिलाच चित्रपट बॉक्स ऑफिसवर आपटला. त्यानंतर सुष्मितानं  1999 मध्ये रिलीज झालेल्या 'बीवी नं. 1'  या चित्रपटात काम केलं.

वयाच्या 24 व्या वर्षी झाली आई (Sushmita Sen Daughter)

सुष्मिता सेनने लग्न न करता आई होण्याचा निर्णय घेतला. वयाच्या 24 व्या वर्षी सुष्मितानं रेनीला दत्तक घेतले. त्यानंतर 2010 मध्ये तिने अलिसाला दत्तक घेतले.

अफेअर्समुळे राहिली (Sushmita Sen Affairs)

सुष्मिता सेनही  सेलिब्रिटींसोबतच्या रिलेशनशिपमुळे चर्चेत होती.विवाहित विक्रम भट्टसोबतही  तिचे नाव जोडण्यात आले होते. बॉलिवूड अभिनेता रणदीप हुड्डाला सुष्मिता डेट करत होती, असंही म्हटलं जातं. सुष्मिता सेन ही तिच्यापेक्षा 15 वर्षांनी लहान मॉडेल रोहमन शॉलला डेट करत होती.पण सुष्मिताला आजही अनेकवेळा रोहमनसोबत स्पॉट केलं जातं.

ललित मोदींसोबत जोडलं गेलं नाव (Sushmita Sen And Lalit Modi)

 IPL चे पहिले फाऊंडर ललित मोदी (Lalit Modi) यांच्यासोबत देखील सुष्मिता सेनचे नाव जोडले गेले होते. गेल्या वर्षी ललित मोदी यांनी सोशल मीडियावर  सुष्मिता सेन हिच्यासोबतचा फोटो शेअर केला होता. या फोटोला दिलेल्या कॅप्शनमध्ये ललित मोदींनी सुष्मिताचा उल्लेख बेटरहाफ असा केला होता. त्यामुळे  ललित मोदी आणि सुष्मिता यांच्या अफेअरची चर्चा सोशल मीडियावर सुरु होती.

 'ताली' चं झालं कौतुक (Taali  Web Series)

सुष्मिता सेनची ताली ही वेब सीरिज काही महिन्यांपूर्वी प्रेक्षकांच्या भेटीला आली. या वेब सीरिजमधील सुष्मिताच्या अभिनयाचं अनेकांनी कौतुक केलं. या वेब सीरिजमध्ये सुष्मितानं गौरी सावंत यांची भूमिका साकारली.

हेही वाचा: