Sunjay Kapur rescue Video Viral From London: संजय कपूर यांचे 'ते' शेवटचे क्षण, मैदानावर CPR देतानाचा VIDEO व्हायरल, मन हेलावणारी दृश्य
Sunjay Kapur rescue Video Viral From London: पोलो सामना सुरू असताना संजय कपूर यांनी चुकून मधमाशी गिळली, ज्यामुळे त्यांना क्षणार्धातच एलर्जिक रिएक्शन झालं. त्यातच त्यांना हृदय विकाराचा झटका आला आणि त्यांचं निधन झालं.
Sunjay Kapur rescue Video Viral From London: बॉलिवूड अभिनेत्री करिश्मा कपूरचे (Karisma Kapoor) घटस्फोटीत पती आणि प्रसिद्ध उद्योगपती संजय कपूर (Sunjay Kapur) यांचं 12 जून 2025 रोजी इंग्लंडमध्ये निधन झालं. मिडिया रिपोर्टनुसार, प्रसिद्ध बिझनेसमन संजय कपूर पोलो खेळत असताना तोंडात मधमाशी जाऊन त्यांना हृदयविकाराचा झटका (Heart Attack) आला.
मिळालेल्या माहितीनुसार, पोलो सामना सुरू असताना संजय कपूर यांनी चुकून मधमाशी गिळली, ज्यामुळे त्यांना क्षणार्धातच एलर्जिक रिएक्शन झालं. त्यातच त्यांना हृदय विकाराचा झटका आला आणि त्यांचं निधन झालं. अशातच आता संजय कपूर यांच्या शेवटच्या काही क्षणांचा व्हिडीओ सोशल मीडियावर व्हायरल होत आहे. ज्यामध्ये संजय कपूर जमिनीवर कोसळलेले दिसतायत. आणि वैद्यकीय पथक त्यांना वाचवण्याचा प्रयत्न करतंय.
व्हिडीओमध्ये सामन्यावेळी उपस्थित असलेले वैद्यकीय कर्मचारी त्यांच्या छातीवर सीपीआर देत आहेत आणि त्यांना पुन्हा शुद्धीवर आणण्याचा प्रयत्न करत आहेत. हा व्हिडीओ त्यांच्या शेवटच्या क्षणांचा असल्याचं सांगितलं जात आहे, जे पाहून लोक भावूक झाले आहेत.
संजय कपूर यांच्या शेवटच्या व्हिडीओमध्ये काय दिसतंय?
संजय कपूर यांचा मित्र आणि माजी भारतीय हॉकी संघाचे खेळाडू अजित नंदल यांनी 14 जून रोजी सोशल मीडिया प्लॅटफॉर्म ट्विटरवर एक व्हिडीओ शेअर केलाय. हा व्हिडीओ शेअर करताना अजित नंदल यांनी लिहिलंय की, "संजय कपूर यांचा शेवटचा रेस्क्यू व्हिडीओ… पोलोचा सामना सज्जन जैसल आणि संजयच्या संघात होता, सज्जन देखील तिथे उपस्थित होता. घोड्यांवर जीवापाड प्रेम करणाऱ्यांसाठी हा अत्यंत दुःखद काळ आहे. देव आत्म्याला शांती देवो..."
पोलो सामन्यादरम्यान गमावला जीव
संजय कपूर ऑटो कंपोनंट कंपनी 'सोना कॉमस्टार'चे अध्यक्ष होते, जी विशेषतः इलेक्ट्रिक वाहनांमध्ये वापरण्यात येणारं तंत्रज्ञान विकसित करण्यासाठी ओळखली जाते. व्यावसायिक जगात त्यांची एक वेगळी ओळख होती. संजय कपूर यांना पोलो खेळण्याची खूप आवड होती आणि ते अनेकदा मैदानावर दिसायचे. 19 जून रोजी दिल्लीत त्यांच्यावर अंत्यसंस्कार करण्यात आलेले, जिथे त्यांचे जवळचे नातेवाईक, मित्र आणि कुटुंबातील सदस्य उपस्थित होते. 22 जून रोजी दिल्लीतील ताज पॅलेस हॉटेलमध्ये त्यांची प्रार्थना सभा आयोजित करण्यात आलेली. यावेळी अनेक दिग्गजांनी हजेरी लावलेली.
महत्त्वाच्या इतर बातम्या :
महत्त्वाच्या बातम्या
