Subhedar Trailer: "आधी लगीन कोंढाण्याचं मग रायबाचं..."; 'सुभेदार' चित्रपटाचा ट्रेलर आला प्रेक्षकांच्या भेटीस
'सुभेदार' (Subhedar) या चित्रपटाचा ट्रेलर प्रेक्षकांच्या भेटीस आला आहे.
Subhedar Trailer: दिग्दर्शक दिग्पाल लांजेकर (Digpal Lanjekar) यांच्या 'सुभेदार' (Subhedar) या चित्रपटाची प्रेक्षक उत्सुकतेने वाट बघत आहेत. या चित्रपटाचा ट्रेलर प्रेक्षकांच्या भेटीस आला आहे. या ट्रेलरला अवघ्या काही तासातच हजारो व्ह्यूज मिळाले आहे. या ट्रेलरला नेटकऱ्यांची पसंती मिळाली असून नेटकऱ्यांनी या ट्रेलरवर लाइक्स आणि कमेंट्सचा वर्षाव केला आहे.
सुभेदार या चित्रपटात तानाजी मालुसरे यांची कथा दाखवण्यात येणार आहे. सुभेदार चित्रपटाच्या ट्रेलरमध्ये "आधी लगीन कोंढाण्याचं मग रायबाचं..." हा डायलॉग ऐकू येतो. सुभेदार चित्रपटाच्या ट्रेलरमधील कलाकारांच्या अभिनयानं अनेकांचे लक्ष वेधले आहे.
पाहा ट्रेलर:
सुभेदार चित्रपटाच्या ट्रेलरला एका नेटकऱ्यानं कमेंट केली, 'सुभेदारांची निष्ठा पाहून, अंगावर काटा आला आणि डोळ्यात पाणीसुद्धा आलं जबरदस्त ...जय भवानी जय शिवराय'
'सुभेदार' चित्रपटाची स्टार कास्ट
'सुभेदार' हा चित्रपट 18 ऑगस्ट रोजी प्रेक्षकांच्या भेटीस येणार आहे. अभिनेते अजय पुरकर (Ajay Purkar) हे सुभेदार या चित्रपटात तानाजी मालुसरे यांची भूमिका साकारणार आहेत. तर चिन्मय मांडलेकर हा छत्रपती शिवाजी महाराज यांची भूमिका साकारणार आहे. ‘सुभेदार’ या आगामी चित्रपटात मृणाल कुलकर्णी जिजाऊ आईसाहेबांच्या, विराजस जीवाच्या भूमिकेत पहायला मिळणार असून यशोदाबाई मालुसरेच्या भूमिकेत शिवानी रांगोळे दिसणार आहे.
फर्जंद, फत्तेशिकस्त आणि पावनखिंड या चित्रपटांमधील अजय पुरकर यांच्या अभिनयाला प्रेक्षकांची पसंती मिळाली. आता अजय पुरकर यांच्या 'सुभेदार' या चित्रपटाची प्रेक्षक उत्सुकतेने वाट बघत आहेत. काही दिवसांपूर्वी अजय पुरकर यांनी 'सुभेदार' या चित्रपटामधील त्यांच्या लूकचा फोटो सोशल मीडियावर शेअर केला होता. या फोटोला त्यांनी कॅप्शन दिलं, "शिवाजी राजांचं अन् भगव्याचं रक्षन कराया आमी मराठे छातीचा कोट करून हुबं हाओत... हर हर महादेव !!!"
View this post on Instagram
'फर्जंद' (Farzand), 'फत्तेशिकस्त' (Fatteshikast), 'पावनखिंड' (Pawankhind) आणि 'शेर शिवराज' (Sher Shivraj) या चित्रपटाचं दिग्दर्शन दिग्पाल लांजेकर यांनी केलं. त्यांच्या या चित्रपटांना प्रेक्षकांची पसंती मिळाली. आता दिग्पाल लांजेकर यांच्या 'सुभेदार' या आगामी चित्रपटाची प्रेक्षक उत्सुकतेने वाट बघत आहेत.
संबंधित बातम्या
महत्त्वाच्या बातम्या
