Story Of Lagir : 'स्टोरी ऑफ लागीरं' सिनेमात संजय खापरे महत्त्वपूर्ण भूमिकेत, 14 जानेवारीला चित्रपट प्रेक्षकांच्या भेटीला

Story Of Lagir : संजय खापरेंचा आगामी 'स्टोरी ऑफ लागीरं' सिनेमा लवकरच प्रेक्षकांच्या भेटीला येणार आहे.

story_of_lagir

Story Of Lagir : विनोदी आणि गंभीर भूमिका सहज पेलणारे अभिनेते संजय खापरे 'स्टोरी ऑफ लागीरं' या चित्रपटात पोलिसाची महत्त्वपूर्ण भूमिका साकारणार आहेत. १४ जानेवारीला हा चित्रपट प्रेक्षकांच्या भेटीला येणार असून रोहित राव नरसिंगे, चैताली चव्हाण, ऋतुजा अंद्रे या नव्या दमाच्या कलाकारांचं या चित्रपटाद्वारे पदार्पण होत आहे. 

'स्टोरी ऑफ लागीरं' या चित्रपटाचं पोस्टर नुकतंच लाँच करण्यात आलं आहे. रॉयल समृद्धी असोसिएट्स आणि स्वरुप वैशाली बाळासाहेब सावंत प्रस्तुतकर्ते असून जी. के. फिल्म्स क्रिएशसनं या सिनेमाची निर्मिती केली आहे. रोहित राव नरसिंगे यांनी चित्रपटाचं लेखन आणि दिग्दर्शन केलं आहे. मंगेश गाडेकर यांनी छायांकन, सनी-सुशांत आणि अतुल जोशी यांनी संगीत,  निहार राजहंस, बी. गोपानारायण यांनी गीतलेखन केलं आहे. 

'स्टोरी ऑफ लागीरं' या नावावरून हा चित्रपट एका गावाच्या पार्श्वभूमीवर घडणारा,  त्यासोबतच चित्रपटाच्या केंद्रस्थानी प्रेमकथा, राजकारण असल्याचा अंदाज बांधता येतो. रोहित राव नरसिंगे, चैताली चव्हाण, ऋतुजा अंद्रे, मोहन जाधव, सोमनाथ येलनूरे यांच्यासह संजय खापरे, मिलिंद दास्ताने, प्रेमाकिरण असे अनुभवी कलाकारही असल्यानं हा चित्रपट नक्कीच प्रेक्षकांना चित्रपटगृहाकडे आकर्षित करेल यात शंका नाही.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha