एक्स्प्लोर

GoodBye 2021 : 'सरदार उधम'पासून 'रश्मी रॉकेट'पर्यंत वर्षभरात 'या' चित्रपटांनी केले मनोरंजन

येत्या वर्षात 'सूर्यवंशी' ते 'सरदार उधम' सारख्या अनेक चित्रपटांनी रसिकांचे मनोरंजन केले आहे.

By : एबीपी माझा वेब टीम | Edited By: मंजिरी पोखरकर | Updated at : 12 Dec 2021 08:15 PM (IST)

सरदार_उधम

GoodBye 2021 : बॉलीवूडसाठी 2021 साल खूपच चांगले गेले असून येत्या वर्षातदेखील प्रेक्षकांना चांगल्या सिनेमांचा आस्वाद घेता येणार आहे. या वर्षात 'सूर्यवंशी', 'सरदार उधम' अशा सिनेमांनी प्रेक्षकांचे मनोरंजन केले. या यादीत पहिले नाव येते रामप्रसादच्या तेहरवी सिनेमाचे.

हा सिनेमा दु:खी कुटुंबावर भाष्य करणारा आहे. या चित्रपटात नसीरुद्दीन शाह, विनय पाठक, विक्रांत मॅसी, कोंकणा सेन शर्मा, विनीत कुमार, मनोज पाहवा, परमब्रत चटोपाध्याय, सुप्रिया पाठक, दीपिका यांचा समावेश आहे.

'द व्हाईट टायगर' (The White Tiger) या चित्रपटाला 93 व्या अकादमी पुरस्कारांमध्ये नामांकन मिळाले होते. या सिनेमात राजकुमार राव आणि प्रियांका चोप्राच्या मुख्य भूमिका होत्या. हा चित्रपट अरविंद अडिगा यांच्या 'द व्हाईट टायगर' या कादंबरीवर आधारित आहे.

रामप्रसादच्या तेहरवी आणि पागलेट सिनेमात बरीच तुलना केली गेली. कारण दोन्ही चित्रपट समान विषयांवर आधारित होते. या चित्रपटात सान्या मल्होत्रा, आशुतोष राणा, श्रुती शर्मा, रघुबीर यादव आणि राजेश तैलंग दिसले होते. हा चित्रपट एका विधवेची कथा मांडण्यात आली आहे.

कॅप्टन विक्रम बत्राच्या जीवनावर आधारित सिद्धार्थ मल्होत्रा आणि कियारा अडवाणी यांच्या 'शेरशाह' सिनेमाने प्रेक्षकांची मने जिंकली. या सिनेमाने सिद्धार्थ मल्होत्राला नवी ओळख दिली.

बॉलिवूड अभिनेता विकी कौशल 'सरदार उधम' चित्रपटात सरदार उधम सिंहच्या भूमिकेत दिसला होता. या चित्रपटातील विकी कौशलचा लूक चाहत्यांना चांगलाच आवडला होता. हा चित्रपट 16 ऑक्टोबर रोजी Amazon Prime Video वर प्रदर्शित झाला. हा चित्रपट महान स्वातंत्र्यसेनानी सरदार उधम सिंह यांच्या आयुष्यावर आधारित आहे.

तापसी पन्नू आणि विक्रांत मॅसीच्या Haseen Dillruba या चित्रपटाने प्रेक्षकांना शेवटपर्यंत खिळवून ठेवले.

तापसी पन्नूच्या रश्मी रॉकेट सिनेमाला चाहत्यांचा उत्तम प्रतिसाद मिळाला होता. तापसीने सिनेमात रश्मी नावाचे पात्र साकारले होते. सिनेमात तापसी राष्ट्रीय स्तरावरील खेळाडू होती.

संबंधित बातम्या