Singham Again : 'सिंघम अगेन' सिनेमातील दीपिका पदुकोणचा खतरनाक लूक समोर; रोहित शेट्टी म्हणाला,"सर्वात क्रूर ऑफिसर..."
Singham Again : 'सिंघम अगेन' या सिनेमातील दीपिका पदुकोणचा (Deepika Padukone) लूक समोर आला आहे.
Singham Again Deepika Padukone New Look : 'सिंघम अगेन' (Singham Again) या सिनेमाची काही दिवसांपासून चर्चा सुरू आहे. लवकरच हा बहुचर्चित सिनेमा प्रेक्षकांच्या भेटीला येणार आहे. आता या सिनेमातील दीपिका पदुकोणचा (Deepika Padukone) थतरनाक लूक आऊट झाला आहे.
बॉलिवूड अभिनेता अजय देवगनच्या (Ajay Devgn) आगामी सिनेमांमध्ये 'सिंघम अगेन' या सिनेमाचा समावेश आहे. या सिनेमात अजय देवगन दीपिका पदुकोणसोबत स्क्रीन शेअर करताना दिसणार आहे. आता या सिनेमातील दीपिकाचा खतरनाक लूक समोर आला आहे.
'सिंघम अगेन' सिनेमातील दीपिकाचा लूक आऊट!
नवरात्रोत्सवाच्या पहिल्याच दिवशी 'सिंघम अगेन' सिनेमातील दीपिका पदुकोणचा लूक आऊट करण्यात आला आहे. या नव्या लूकमध्ये दीपिका खूपच खतरनाक दिसत आहे. रोहित शेट्टीने अभिनेत्रीचे वेगवेगळ्या रुपातील फोटो सोशल मीडियावर शेअर केले आहे.
'सिंघम अगेन' सिनेमातील दीपिकाचा लूक शेअर करत रोहित शेट्टीने लिहिलं आहे,"नारी सीता का भी रूप है और दुर्गा का भी...यए हमारी शक्ती शेट्टी...मेरी लेडी सिंघम..दीपिका पदुकोण". रोहित शेट्टीने शक्ती शेट्टीला सर्वात क्रूर ऑफिसर म्हणटले आहे. दीपिकाने पोस्टर शेअर करत लिहिलं आहे,"शक्ती शेट्टीची ओळख करून देत आहे".
View this post on Instagram
'सिंघम अगेन' कधी रिलीज होणार? (Singham Again Release Date)
'सिंघम अगेन' हा सिनेमा 2024 मध्ये प्रेक्षकांच्या भेटीला येणार आहे. या सिनेमात अजय देवगन आणि दीपिका पदुकोण मुख्य भूमिकेत आहेत. 'सिंघम अगेन' आणि अल्लू अर्जुनच्या बहुचर्चित 'पुष्पा 2' (Pushpa 2) या सिनेमांची बॉक्स ऑफिसवर टक्कर होणार आहे. 'सिंघम अगेन' या सिनेमात बॉलिवूड अभिनेत्री दीपिका पदुकोणची झलक दिसणार आहे. अजय देवगनच्या बहिणीच्या भूमिकेत ती दिसेल. तर करीना कपूरदेखील (Kareena Kapoor) या सिनेमात महत्त्वाच्या भूमिकेत दिसेल.
'सिंघम' फ्रेंचाइजीचा तिसरा सिनेमा
अजय देवगन स्टारर 'सिंघम' फ्रेंचाइजीचा हा तिसरा सिनेमा आहे. या सिनेमाच्या दिग्दर्शनाची धुरा रोहित शेट्टी सांभाळणार आहे. या सिनेमात बाजीराव सिंघम अर्थात अजय देवगनसह सिम्बा लूकमध्ये रणवीर सिंह दिसणार आहे. या सिनेमात दोघेही शत्रूंचा सामना करताना दिसणार आहेत.
संबंधित बातम्या
Singham Again : 'सिंघम','सिम्बा', 'सूर्यवंशी' तिन्ही एकत्र येणार; 'सिंघम अगेन'च्या शूटिंगला सुरुवात
महत्त्वाच्या बातम्या
