Bigg Boss 16 : 'बिग बॉस 16'च्या मंचावर सिद्धार्थ-कियाराच्या नात्याचा उलगडा; 'वीकेंडचा वार' ठरला खास
Bigg Boss 16 : 'बिग बॉस 16'मध्ये शनिवारच्या भागात सिद्धार्थ मल्होत्रा आणि रकुल प्रीत सिंह दिसून आले होते.
Sidharth Malhotra In Bigg Boss 16 : बॉलिवूड अभिनेता सलमान खानचा (Salman Khan) बहुचर्चित कार्यक्रम 'बिग बॉस 16' (Bigg Boss 16) सध्या चर्चेत आहे. या कार्यक्रमातील वीकेंडचा वार खूप खास असतो. यादिवशी भाईजान कधी स्पर्धकांची शाळा घेतो तर कधी सेलिब्रिटी मंडळी त्यांच्या सिनेमाच्या प्रमोशनसाठी या कार्यक्रमात हजेरी लावत असतात. नुकत्याच पार पडलेल्या भागात सलमानने सिद्धार्थ आणि कियारा आडवाणीच्या नात्यावर भाष्य केलं आहे.
'बिग बॉस 16'च्या 'वीकेंडचा वार'मध्ये नुकतेच बॉलिवूड अभिनेता सिद्धार्थ मल्होत्रा (Sidharth Malhotra) आणि रकुल प्रीत सिंह (Rakul Preet Singh) त्यांच्या आगामी 'थॅंक गॉड' (Thank God) सिनेमाच्या प्रमोशनसाठी आले होते. दरम्यान सलमानने सिद्धार्थ-कियारा यांच्या नात्याविषयी भाष्य करत त्यांच्या लग्नावरदेखील चर्चा केली.
सलमान खान सिद्धार्थला म्हणाला,"सिद्धार्थ खूप खूप शुभेच्छा... तू खूपच कियारा निर्णय घेतला आहे. सॉरी प्रेमळ निर्णय. कोणाचा सल्ला घेत हा निर्णय घेतलास". यावर सिद्धार्थ सलमानला म्हणाला,भावू तू लग्नासंबंधित सल्ला देत आहेस". बिग बॉसच्या मंचावर सिद्धार्थने कियारा आणि त्याच्या नात्यासंदर्भात भाष्य केलं आहे.
View this post on Instagram
सिद्धार्थ पुढे म्हणाला,"कियारी माझी सहकलाकार आहे. तसेच आम्ही चांगले मित्र आहोत. लग्न कोणासोबत कधी होणार? हे सांगू शकत नाही. सध्या शूटिंग आणि प्रमोशन महत्त्वाचं आहे. 'शेरशाह' सिनेमाच्या शूटिंगदरम्यान कियारा आणि सिद्धार्थने डेट करायला सुरुवात केल्याची चर्चा आहे. अद्याप त्यांच्या लग्नासंबंधित कोणतीही अधिकृत माहिती समोर आलेली नाही. पण दोघेंचेही चाहते त्यांच्या लग्नाची आतुरतेने वाट पाहत आहेत.
संबंधित बातम्या
‘सलमान खान ड्रग्ज घेतो, आमिरबद्दल माहिती नाही आणि अभिनेत्री तर...’; बाबा रामदेव यांची बॉलिवूडवर जहरी टीका!
महत्त्वाच्या बातम्या
ट्रेंडिंग न्यूज
