(Source: ECI/ABP News/ABP Majha)
Shraddha Kapoor : श्रद्धा कपूरची बॉयफ्रेंडसह त्याच्या पाळीव कुत्र्यावरही नाराजी? 'या' कृतीमुळे ब्रेकअपच्या चर्चांना उधाण
Shraddha Kapoor : श्रद्धा कपूर आणि राहुल मोदी यांच्या ब्रेकअपच्या चर्चांना उधाण आलं आहे. त्याची विविध कारणंही सध्या समोर आली आहे.
Shraddha Kapoor : बॉलीवूडमध्ये ब्रेकअप, पॅचअप, घटस्फोट या घटना हल्ली फार सहाजिक झाल्या आहेत. अनेक कपलच्या सध्या ब्रेकअप आणि घटस्फोटाच्या चर्चांना उधाण आलं आहे. मलायका-अर्जुन कपूर, ऐश्वर्या-अभिषेक यांच्यासह आता बॉलीवूडमधील आणखी एका कपलच्या ब्रेकअपच्या चर्चा रंगू लागल्या आहेत. श्रद्धा कपूर (Shraddha Kapoor) आणि राहुल मोदी (Rahul Mody) यांच्या ब्रेकअपच्या चर्चांना आता उधाण आलं आहे.
काही महिन्यांपूर्वी श्रद्धाने राहुल मोदीसोबत फोटो शेअर केला होता. त्यावर तिने दिलेल्या कॅप्शनने साऱ्यांचंच लक्ष वेधून घेतलं. त्यांच्या फोटोवर तिने म्हटलं होतं की, दिल रख ले...नींद तो वापस दे दे यार... त्यामुळे त्यांच्या नात्याच्या जोरदार चर्चा सुरु झाल्या होत्या. पण आता त्यांच्यात काहीच अलबेल नसल्याचंही म्हटलं जातंय.
श्रद्धाच्या 'या' कृतीमुळे सोशल मीडियावरील चर्चांना उधाण?
दरम्यान श्रद्धाने तिच्या सोशल मीडियावरुन राहुल मोदी, त्याची बहिण आणि त्याचं प्रोडक्शन हाऊस या सगळ्या अकाऊंटला अनफॉलो केलं आहे. विशेष म्हणजे राहुल मोदीच्या पाळीव कुत्र्याच्या अकाऊंटलाही श्रद्धाने अनफॉलो केलं असल्याच्या चर्चा सुरु आहेत. Super Tzus अशा नावाने राहुलच्या घरी असलेल्या कुत्र्यांचं अकाऊंट आहे. या अकाऊंटलाही श्रद्धाने अनफॉलो केलं आहे. त्यामुळे श्रद्धा आणि राहुल मोदीच्या ब्रेकअपच्या चर्चांना आता उधाण आलंय.
श्रद्धा कपूरचा 'हा' सिनेमा लिहिलाय राहुल मोदीने
'तू झूठी मैं मक्कार' (Tu Jhoothi Main Makkaar) या सिनेाच्या शूटिंगदरम्यान श्रद्धा कपूर आणि राहुल मोदी यांची जवळीक वाढली. श्रद्धा आणि राहुलने अद्याप त्यांच्या नात्याबद्दल चाहत्यांना अधिकृत माहिती दिलेली नाही. राहुलआधी श्रद्धा लोकप्रिय फोटोग्राफर रोहन श्रेष्ठसोबत रिलेशनमध्ये होती. चार वर्षांच्या रिलेशननंतर त्यांचा ब्रेकअप झाला. 'तू झूठी मैं मक्कार' या सिनेमाचं लेखन राहुल मोदीने केलं आहे. राहुल मोदी लोकप्रिय लेखन असून अनेक सिनेमांसाठी त्याने लेखन केलं आहे.
श्रद्धा कपूरचा सिनेप्रवास (Shraddha Kapoor Movies)
श्रद्धा कपूरचा 'तू झूठी मैं मक्कार' हा सिनेमा 2023 मध्ये प्रेक्षकांच्या भेटीला आला होता. श्रद्धाचा आगामी 'स्त्री 2' हा सिनेमा लवकरच प्रेक्षकांच्या भेटीला येणार आहे. तिने 2013 मध्ये 'आशिकी 2' या सिनेमाच्या माध्यमातून बॉलिवूडमध्ये पदार्पण केलं. तिचा पहिलाच चित्रपट चांगलाच गाजला. या सिनेमासाठी तिला फिल्मफेअर सर्वोत्तकृष्ट अभिनेत्रीचं नामांकन मिळालं होतं. अभिनेत्रीच्या आगामी सिनेमांची चाहत्यांना प्रतीक्षा आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
