Sher Shivraj : फर्जंद, फत्तेशिकस्त, पावनखिंडनंतर दिग्पाल लांजेकरांचा 'शेर शिवराज' झळकणार रुपेरी पडद्यावर

Sher Shivraj : दिग्पाल लांजेकरांचा 'शेर शिवराज' सिनेमा 29 एप्रिल 2022 रोजी प्रदर्शित होणार आहे.

शेर शिवराज

Sher Shivraj : फर्जंद, फत्तेशिकस्तच्या यशस्वी घोडदौडनंतर दिग्पाल लांजेकर आता 'पावनखिंड' सिनेमा घेऊन प्रेक्षकांच्या भेटीला येणार आहे. अशातच त्यांनी त्यांच्या आगामी 'शेर शिवराज' सिनेमाचे पोस्टर प्रदर्शित केले आहे. हा सिनेमा 29 एप्रिल 2022 रोजी प्रदर्शित होणार आहे. या सिनेमाच्या लेखन आणि दिग्दर्शनाची धुरा दिग्पाल लांजेकरांनीच सांभाळली आहे. 

सिनेमाचे पोस्टर शेअर करत दिग्पाल लांजेकरांनी लिहिले आहे,"आदिलशाहीच्या जुलमी वरवंट्याखाली जेव्हा महाराष्ट्र भरडला, अन्याय निवारण्यासाठी तेव्हा कणाकणांतून बाहेर पडला. सहस्त्र हातांचा अजस्त्र नरसिंह...शेर शिवराज...29 एप्रिल 2022...हर हर महादेव". या सिनेमाची चाहते प्रतीक्षा करत आहेत. चाहते कमेंट्स करत आहेत,"पावनखिंड पाठोपाठ अजून एक सुखद धक्का. उत्कंठा शिगेला. जय शिवराय." 

अनेक मराठी कलाकारदेखील या सिनेमासाठी उत्सुक आहेत. नवीन चंद्रा, नितीन केणी, प्रद्योत पेंढरकर, अनिल वरखडे, दिग्पाल लांजेकर आणि चिन्मय मांडलेकरांनी या सिनेमाची निर्मिती केली आहे. पोस्टरमध्ये रक्ताने माखलेला हात दिसतो आहे. सिनेमात कोणते कलाकार असणार हे अद्याप गुलदस्त्यात आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Digpal Lanjekar (@digpalofficial)

31 डिसेंबरला प्रदर्शित होणार 'पावनखिंड'
31 डिसेंबरला स्वराज्याच्या लढ्यातील झंझावाती महापराक्रमाची विजयगाथा पावनखिंड सिनेमाच्या माध्यमातून प्रेक्षकांना पहायला मिळणार आहे. सिनेमात बाजीप्रभू देशपांडे, बांदल सेना आणि मावळ्यांनी दिलेला अभूतपूर्व लढा पहायला मिळणार आहे. तसेच मराठी कलाकारांचा भलामोठा फौजफाटा या चित्रपटात पहायला मिळणार आहे. घोडखिंडीत बाजीप्रभूंनी आपल्या प्राणांची आहुती देत गनिमांची वाट रोखून धरत पराक्रमाची शर्थ केली होती. बाजीप्रभूंच्या पवित्र रक्तानं पावन झाल्यानं या खिंडीला पुढं 'पावनखिंड' नाव पडलं. प्रेक्षकांना आता पुन्हा एकदा ऐतिहासिक सिनेमाचा अनुभव घेता येणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha