![ABP Premium](https://cdn.abplive.com/imagebank/Premium-ad-Icon.png)
Shatrughan Sinha : लेकीचा आंतरधर्मीय विवाह , सोशल मीडियावर ट्रोलिंग; अखेर शत्रुघ्न सिन्हांनी सोडलं मौन, म्हणाले...
Shatrughan Sinha : सोनाक्षी आणि झहीर इक्बालच्या लग्नावरुन खूप ट्रोलिंग करण्यात आलं. त्यावर आता शत्रुघ्न सिन्हा यांनी मौन सोडलं आहे.
![Shatrughan Sinha : लेकीचा आंतरधर्मीय विवाह , सोशल मीडियावर ट्रोलिंग; अखेर शत्रुघ्न सिन्हांनी सोडलं मौन, म्हणाले... Shatrughan Sinha Reaction on Sonakshi Sinha Zaheer Iqbal Wedding trolling Shatrughan Sinha : लेकीचा आंतरधर्मीय विवाह , सोशल मीडियावर ट्रोलिंग; अखेर शत्रुघ्न सिन्हांनी सोडलं मौन, म्हणाले...](https://feeds.abplive.com/onecms/images/uploaded-images/2024/07/07/e603c86c6243d842187ffe9db71aa8cb1720338301216720_original.png?impolicy=abp_cdn&imwidth=1200&height=675)
Shatrughan Sinha : शत्रुघ्न सिन्हा (Shatrughan Sinha) यांची लेक सोनाक्षी सिन्हा (Sonakshi Sinha) हिने काही दिवसांपूर्वी झहीर इक्बालसोबत लग्नबंधनात अडकली. अगदी मोजक्याच नातेवाईकांच्या उपस्थितीमध्ये रजिस्टर पद्धतीने त्यांनी लग्न केलं. पण सोनाक्षीच्या लग्नावरुन त्यांच्या घरात बरंच महाभारत सुरु होतं, अशा बातम्या वारंवार समोर येत होत्या. पण त्यावर शत्रुघ्न सिन्हा यांनी प्रतिक्रिया देत सगळ्यावरच पडदा टाकला.
सोनाक्षीच्या लग्नानंतरही तिने दुसऱ्या धर्मात लग्न केल्यामुळे तिला बरंच ट्रोल करण्यात आलं. त्यावरही त्यांच्या कुटुंबातील कुणीच प्रतिक्रिया देणं पसंत केलं नव्हतं. इतकचं नव्हे तर सोनाक्षीच्या लग्नाला अनेकांनी लव्ह जिहाद असं म्हटलं. या सगळ्यावर आता शत्रुघ्न सिन्हा यांनी मौन सोडलं असून ट्रोलर्सना त्यांनी सणसणीत उत्तर दिलं आहे.
शत्रुघ्न सिन्हा यांनी काय म्हटलं?
शत्रुघ्न सिन्हा यांनी टाईम्स नाऊला दिलेल्या मुलाखतीमध्ये याविषयी भाष्य केलं आहे. त्यांनी म्हटलं की, काही गोष्टी या कुटुंबातच राहिल्या पाहिजेत. मा आधीही म्हटल्याप्रमाणे, कुटुंबात कोणतेच मतभेद नाही. होय, आम्ही काही मुद्द्यांवर असहमत असतो आणि काही मुद्द्यांवर आमचे वादही होतात. पण काहीही झालं तरी आम्ही एक कुटुंब आहोत. त्यामुळे आम्हाला कुणीही तोडू शकणार नाही. माझ्या घरातील एका लग्नावर इतकं लक्ष दिलंय, हे माझ्यापेक्षाही तुम्हालाही चांगलं माहित आहे. पण असा आंतरधर्मीय विवाह होण्याची पहिलीच वेळ नाही.
पुढे त्यांनी म्हटलं की, पण आता माझ्या कुटुंबावर केली जाणारी टीका मी अजिबात खपवून घेणार नाही, हे मी आताच स्पष्ट करतो. एक वडील म्हणून मी माझ्या मुलीसाठी खूप खूष आहे. तिच्या आयुष्यातल्या प्रत्येक निर्णयाला मी पाठिंबा देतो. तिचा आनंद हाच आमचा आनंद आहे. तिला आनंदी पाहून आम्हीही आनंदी झालोत आणि मला खात्री आहे की, झहीर तिला नक्कीच आनंदी ठेवेल.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![चंद्रकांत शिंदे](https://feeds.abplive.com/onecms/images/author/964429cd2a90fc9f23c8736386edb152.jpg?impolicy=abp_cdn&imwidth=70)