Marathi actor : 'त्यांचा नृत्याविष्कार पाहून मला शाळेतील आमचा नाच आठवला', अंबानी कुटुंबावर मराठी अभिनेत्याची मार्मिक पोस्ट
Marathi actor : अनंत आणि राधिकाचा संगीतसोहळा पार पडला. यावेळी संपूर्ण अंबानी कुटुंबियांनी एकत्र डान्स केला.
Saurabh Gokhale : सध्या संपूर्ण देशभरात एकाच सोहळ्याची चर्चा सुरु आहे. प्रसिद्ध उद्योगपती मुकेश अंबानी (Mukesh Ambani) यांच्या धाकट्या लेकाचा लग्नसोहळा काहीच दिवसांत पार पडणार आहे. अनंत अंबानी (Anant Ambani) आणि राधिका मर्चंट (Radhika Merchant) यांच्या लग्नसोहळ्याची मागील अनेक दिवसांपासून चर्चा सुरु आहे. आता त्यांच्या लग्नाच्या सोहळ्यांना देखील सुरुवात झाली आहे. शुक्रवार 5 जुलै रोजी त्यांचा संगीत सोहळाही पार पडला. अनंत-राधिकाच्या संगीत सोहळ्याला अनेक दिग्गज कलाकारांनी हजेरी लावली होती.
अनेकांनी संगीत सोहळ्यात धम्माल परफॉर्मन्स देखील दिले. पण अंबानी कुटुंबाने एकत्र सादर केलेल्या परफॉर्मन्सने साऱ्यांचं लक्ष वेधून घेतलं. मुकेश अंबानी, नीता अंबानी, मुलगा आकाश आणि अनंत, सून श्लोका अंबानी, राधिका मर्चंट, लेक ईशा अंबानी आणि जावाई यांनी एकत्र मिळून ओम शांती ओम या गाण्यावर ठेका धरला. सध्या सोशल मीडियावर याच डान्सची जोरदार चर्चा सुरु आहे. पण यावर एका मराठी अभिनेत्याने केलेल्या पोस्टने साऱ्यांचं लक्ष वेधून घेतलं आहे. सौरभ गोखलने अंबानींनी केलेल्या नृत्यावर मिश्लिक टीप्पणी केली आहे.
सौरभ गौखलने काय म्हटलं?
सौरभ गोखलने त्याच्या इन्स्टाग्रामवर स्टोरी ठेवली आहे. त्यामध्ये त्याने म्हटलं की, आज एका धनाढ्य कुटुंबातील लग्नसमारंभातील कुटुंबीयंचा नृत्याविष्कार पाहून मला माझ्या छोट्य नुमवि शाळेतील स्नेहसंमेलनातील आमचा नाच आठवला. फरक इतकाच आहे की आम्ही विद्यार्थी होतो आणि त्यांना अर्थ विद्या उत्तम येते...!
संगीत सोहळ्याला दिग्गजांची हजेरी
दरम्यान या संगीत सोहळ्याला बॉलीवूडच्या अनेक कलाकारांनी हजेरी लावली होती. सलमान खान, आलिया भट्ट, रणबीर कपूर, माधुरी दीक्षित, सोनाली बेंद्रे, विद्या बालन हे कलाकार उपस्थित होते. तसेच अनंत अंबानीचा सलमान खान सोबतचा डान्स देखील विशेष चर्चेत आला आहे.
View this post on Instagram
ही बातमी वाचा :
महत्त्वाच्या बातम्या
