VIDEO : दुबईतील डंकीच्या प्रमोशन इव्हेंटमध्ये किंग खान 'छैय्या छैय्या' गाण्यावर पुन्हा एकदा थिरकला
Shah Rukh Khan: दुबईतील इव्हेंटमध्ये शाहरुखनं झुमे जो पठाण (Jhoome Jo Pathaan), लुट पूट गया (Lutt Putt Gaya) आणि छैय्या छैय्या (Chaiyya Chaiyya) या गाण्यांवर डान्स केला.
Shah Rukh Khan: अभिनेता शाहरुख खान (Shah Rukh Khan) हा सध्या त्याच्या डंकी (Dunki) या चित्रपटाचं प्रमोशन करत आहेत. डंकी या चित्रपटाचं प्रमोशन करण्यासाठी शाहरुख दुबई येथे गेला होता. दुबईतील इव्हेंटमध्ये शाहरुखनं झुमे जो पठाण (Jhoome Jo Pathaan), लुट पूट गया (Lutt Putt Gaya) आणि छैय्या छैय्या (Chaiyya Chaiyya) या गाण्यांवर डान्स केला. त्याच्या छैय्या छैय्या या गाण्यावरील डान्सचा व्हिडीओ सध्या सोशल मीडियावर व्हायरल होत आहे. या व्हिडीओमधील शाहरुखच्या डान्सनं अनेकांचे लक्ष वेधले आहे.
छैय्या छैय्या गाण्यावर शाहरुखचा जबरदस्त डान्स
दुबईतील डंकी चित्रपटाच्या प्रमोशन इव्हेंटमध्ये शाहरुख खाननं छैय्या छैय्या या गाण्यावर डान्स केला. शाहरुखच्या डान्सचा व्हिडीओ सोशल मीडियावर व्हायरल झाला. या व्हिडीओला कमेंट करुन अनेकांनी शाहरुखचं कौतुक केलं आहे. एका नेटकऱ्यानं कमेंट केली, "म्हणूनच त्याला किंग खान म्हणतात."
पाहा व्हिडीओ:
View this post on Instagram
1998 मध्ये प्रदर्शित झालेल्या दिल से या चित्रपटातील छैय्या छैय्या हे गाणं लोक आजही आवडीनं ऐकतात. चालत्या ट्रेनमध्ये ‘छैय्या छैय्या’ हे गाणं शूट करण्यात आले. या गाण्यात शाहरुखसोबतच मलायका आरोरानं देखील डान्स केला आहे.
कधी रिलीज होणार डंकी? (Dunki Release Date)
राजकुमार हिरानी यांनी दिग्दर्शित केलेला 'डंकी' हा चित्रपट 21 डिसेंबर रोजी रिलीज होणार आहे. या चित्रपटात शाहरुखसोबतच तापसी पन्नूने मुख्य भूमिका साकारली आहे. तसेच विकी कौशल, बोमन ईरानी यांनी देखील या चित्रपटात काम केलं आहे.
'लुट-पुट गया', 'निकले दी कभी हम घर से' आणि 'ओ माही' ही डंकी ' या चित्रपटाची तीन गाणी रिलीज झाली आहेत. यामधील 'ओ माही' या गाण्यात शाहरुख आणि तापसीच्या अप्रतिम केमिस्ट्रीची झलक प्रेक्षकांना पाहायला मिळाली आहे.
2023 हे वर्ष शाहरुखसाठी खास होतं. यावर्षी रिलीज झालेल्या त्याच्या पठाण आणि जवान या चित्रपटांना प्रेक्षकांची विशेष पसंती मिळाली. आता पठाण आणि जवान या चित्रपटांप्रमाणेच शाहरुखचा डंकी हा चित्रपट देखील बॉक्स ऑफिसवर धुमाकूळ घालणार का? याकडे अनेकांचे लक्ष लागले आहे.
संबंधित बातम्या:
महत्त्वाच्या बातम्या
ट्रेंडिंग न्यूज
