Dunki First Day Advance Booking: किंग खानच्या 'डंकी' चा बॉक्स ऑफिसवर डंका; अॅडव्हान्स बुकिंगच्या पहिल्याच दिवशी केली एवढी कमाई

Dunki First Day Advance Booking: अॅडव्हान्स बुकिंगच्या पहिल्या दिवशी डंकी या चित्रपटानं किती कलेक्शन केलं? याबद्दल जाणून घेऊयात...

Dunki Advance Booking ( Image Source :IMDb )

Dunki First Day Advance Booking: अभिनेता शाहरुख खानच्या (Shah Rukh Khan) डंकी (Dunki) या चित्रपटाची प्रेक्षक उत्सुकतेने वाट बघत आहेत. या चित्रपटाच्या अॅडव्हान्स बुकिंगला काल सुरुवात झाली आहे. डंकी या चित्रपटानं  अॅडव्हान्स बुकिंगच्या पहिल्याच दिवशीकोट्यवधींची कमाई केली आहे.  अॅडव्हान्स बुकिंगच्या पहिल्या दिवशी या चित्रपटानं किती कलेक्शन केलं? याबद्दल जाणून घेऊयात...

'डंकी 'चा बॉक्स ऑफिसवर डंका (Dunki First Day Advance Booking)

Sacnilk च्या रिपोर्टनुसार, डंकी या चित्रपटाचे  संपूर्ण देशात 43236 एवढे तिकिट बुक झाले आहेत.  या चित्रपटानं अॅडव्हान्स बुकिंगमध्ये आतापर्यंत जवळपास 1.56 कोटींची कमाई केली आहे. आता डंकी हा चित्रपट रिलीजच्या पहिल्या दिवशी किती कमाई करणार याकडे अनेकांचे लक्ष लागले आहे.

राजकुमार हिरानी यांनी दिग्दर्शित केलेला 'डंकी' हा चित्रपट मित्रांच्या एका ग्रुपवर आधारित आहे, ज्यांना परदेशात जायचे असते. पण नंतर त्यांना घरी परतण्यासाठी खूप संघर्ष करावा लागतो. या चित्रपटात शाहरुख खान आणि तापसी पन्नूने मुख्य  भूमिका साकारली आहे. तसेच विकी कौशल,  बोमन ईरानी यांनी देखील या चित्रपटात काम केलं आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shah Rukh Khan (@iamsrk)

चित्रपटामधील गाण्यांना मिळाली नेटकऱ्यांची पसंती

'लुट-पुट गया', 'निकले दी कभी हम घर से' आणि 'ओ माही' या चित्रपटाची तीन गाणी रिलीज झाली आहेत. या गाण्यांना नेटकऱ्यांची पसंती मिळाली आहे. या गाण्यांवरील रिल्स अनेक नेटकरी सोशल मीडियावर शेअर करत आहेत. 'ओ माही' या गाण्यात शाहरुख आणि तापसीच्या अप्रतिम केमिस्ट्रीची झलक प्रेक्षकांना पाहायला मिळाली आहे.

डंकी या चित्रपटाची निर्मिती 85 कोटी रुपयांच्या बजेटमध्ये करण्यात आल्याचे सांगितले जात आहे.   शाहरुखचे दोन बिग बजेट चित्रपट या वर्षी प्रदर्शित झाले. त्यामधील 'पठाण' या चित्रपटाचे बजेट 250 कोटी रुपये आणि 'जवान'चे बजेट 300 कोटी रुपये होते. 21 डिसेंबरला डंकी हा रिलीज होणार आहे. पठाण आणि जवान या चित्रपटांप्रमाणेच शाहरुखचा डंकी हा चित्रपट देखील बॉक्स ऑफिसवर धुमाकूळ घालणार का? याकडे अनेकांचे लक्ष लागले आहे.

संबंधित बातम्या: