Shah Rukh Khan : शाहरुखने चाहत्यांना दिली खास भेट; दिवाळीच्या मुहूर्तावर 'डंकी'चं नवं पोस्टर आऊट
Dunki Poster Release : शाहरुख खानच्या 'डंकी' या सिनेमाचं पोस्टर आऊट झालं आहे.
Shah Rukh Khan Release Dunki New Poster : बॉलिवूडचा बादशाह शाहरुख खान (Shah Rukh Khan) सध्या त्याच्या आगामी 'डंकी' (Dunki) या सिनेमामुळे चर्चेत आहे. नुकतात या सिनेमाचा टीझर आऊट झाला असून चाहत्यांच्या पसंतीस उतरला आहे. प्रेक्षकांना आता या सिनेमाची प्रतीक्षा आहे. अशातच आता दिवाळीच्या मुहूर्तावर (Diwali 2023) 'डंकी' या सिनेमाचं पोस्टर आऊट झालं आहे.
शाहरुख खानच्या 'डंकी' या सिनेमाची चाहते आतुरतेने वाट पाहत आहेत. या सिनेमासंबंधित नवनवे अपडेट्स जाणून घेण्याची त्यांना उत्सुकता आहे. आता या बहुचर्चित सिनेमाचं नवं पोस्टर आऊट झालं आहे. या पोस्टरने चाहत्यांची उत्सुकता दुप्पट वाढली आहे.
शाहरुखने शेअर केलं 'डंकी'चं पोस्टर! (Shah Rukh Khan Shared Dunki Movie Poster)
शाहरुख खानने 'डंकी' या सिनेमाचं पोस्टर सोशल मीडियावर शेअर केलं आहे. या पोस्टरमध्ये शाहरुख खान स्कूटरवर बसलेला दिसत आहे. तसेच त्याच्यासोबत बॉलिवूड अभिनेत्री तापसी पन्न (Tapsee Pannu) आणि विक्रम कोचरदेखील आहेत. तर त्यांचा तिसरा मित्र सायकलवर आहे.
View this post on Instagram
'डंकी' सिनेमाचं पोस्टर शाहरुख खानने शेअर केलं आहे. या पोस्टवर "आपल्या माणसांसोबत दिवाळी साजरी करा", असं लिहिलेलं दिसत आहे. पोस्टर शेअर करत किंग खानने लिहिलं आहे,"कुटुंबाशिवाय दिवाळी कशी साजरी होणार? नव्या वर्षाची सुरुवात कशी होणार? एकत्र असण्यात आणि एकत्र सण साजरे करण्यात खरी मजा आहे. 'डंकी'चं एक वेगळं विश्व आहे".
शाहरुखच्या पोस्टरवर चाहत्यांचा कमेंट्सचा वर्षाव
शाहरुख खानच्या पोस्टरवर चाहत्यांनी कमेंट्सचा वर्षाव केला आहे. एका चाहत्याने कमेंट करत लिहिलं आहे,"डंकी' 1000 कोटींचा गल्ला जमवेल", दुसऱ्या एका चाहत्याने लिहिलं आहे,"मित्रांची गोष्ट प्रेक्षकांना नक्कीच आवडेल, जवान आणि पठाणचा रेकॉर्ड मोडणार डंकी, शाहरुखच्या डंकीची प्रतीक्षा, अशा कमेंट्स चाहत्यांनी केल्या आहेत.
शाहरुखचा 'डंकी' कधी रिलीज होणार? (Dunki Release Date)
शाहरुखच्या 'पठाण' (Pathaan) आणि 'जवान' (Jawan) या दोन्ही सिनेमांनी बॉक्स ऑफिसवर रेकॉर्डब्रेक कमाई केली आहे. या दोन्ही सिनेमांनी जगभरातील बॉक्स ऑफिसवर चांगलाच गल्ला जमवला आहे. 'डंकी' हा सिनेमा नाताळाच्या मुहूर्तावर रिलीज करण्यात येणार आहे. 22 डिसेंबर 2023 रोजी हा सिनेमा प्रेक्षकांच्या भेटीला येईल. राजकुमार हिरानी (Rajkumar Hirani) यांनी या सिनेमाच्या दिग्दर्शनाची धुरा सांभाळली आहे.
संबंधित बातम्या
Farah Khan: "शाहरुखनं शर्ट काढल्यानंतर मी उलटी केली..."; फराह खाननं सांगितला किस्सा
महत्त्वाच्या बातम्या
ट्रेंडिंग न्यूज
