Dunki : राजकुमार हिरानींसोबत दिसला शाहरुख खान, ‘डंकी’च्या सेटवरील नवा फोटो सोशल मीडियावर व्हायरल!

Dunki : बॉलिवूडचा ‘रोमान्स किंग’ अर्थात अभिनेता शाहरुख खान (Shah Rukh Khan) सध्या त्याच्या आगामी चित्रपटांमुळे चर्चेत आहे.

Dunki

Dunki : बॉलिवूडचा ‘रोमान्स किंग’ अर्थात अभिनेता शाहरुख खान (Shah Rukh Khan) सध्या त्याच्या आगामी चित्रपटांमुळे चर्चेत आहे. शाहरुखचा आगामी ‘डंकी’ हा चित्रपट राजकुमार हिरानी (Rajkumar Hirani) दिग्दर्शित करणार आहेत. किंग खान आपल्या डॅशिंग स्टाईलने चाहत्यांच्या मनावर राज्य करतो. सोशल मीडियावरही शाहरुख खानची जबरदस्त फॅन फॉलोइंग आहे. सध्या अभिनेता राजकुमार हिरानी यांच्या ‘डंकी’ (Dunki) चित्रपटाच्या शूटिंगमध्ये व्यस्त आहे. या चित्रपटाच्या सेटवरील काही फोटो नुकतेच व्हायरल झाले आहेत.

शाहरुख खान आणि राजकुमार हिरानी एकत्र काम करणं म्हणजे प्रेक्षकांसाठी मनोरंजनाची मेजवानी असणार आहे. आता चित्रपटाच्या सेटवरून एक फोटो लीक झाला आहे, जो सोशल मीडियावर मोठ्या प्रमाणात व्हायरल होत आहे. फोटोमध्ये, शाहरुख खान, राजकुमार हिरानी आणि काही इतर लोकही दिसत आहेत. यावेळी शाहरुखने ग्रे-टी-शर्ट आणि काळी पँट परिधान केली आहे. डोळ्यांवर गॉगलही घातला आहे.

पाहा फोटो :

शाहरुख खान अभिनित या चित्रपटाचे दिग्दर्शन राजकुमार हिरानी करत आहेत. या चित्रपटात शाहरुख खान आणि तापसी पन्नू मुख्य भूमिकेत आहेत. राजकुमार हिरानी, ​​अभिजात जोशी आणि कनिका धिल्लन यांनी लिहिलेल्या या चित्रपटाची निर्मिती राजकुमार हिरानी आणि गौरी खान यांनी केली आहे. एप्रिलपासून या चित्रपटाच्या शूटिंगला सुरुवात झाली आहे. ‘डंकी’ हा चित्रपट 22 डिसेंबर 2023 रोजी रिलीज होणार आहे.

शाहरुखने सोशल मीडियाच्या माध्यमातून त्याच्या आगामी 'डंकी' चित्रपटाची घोषणा केली होती. शाहरुखने 'डंकी' चित्रपटाशी संबंधित एक व्हिडीओ शेअर केला होता. या चित्रपटाच्या निमित्ताने शाहरुख पहिल्यांदाच राजकुमार हिरानीसोबत काम करणार आहे. या चित्रपटाची घोषणा झाल्याने चाहते आता चित्रपटाची आतुरतेने वाट पाहत आहेत. या चित्रपटाशिवाय शाहरुखचा 'पठाण' हा चित्रपट 25 जानेवारी 2023 रोजी प्रदर्शित होणार आहे. 

हेही वाचा :