Bollywood Actor : धाब्यावर काम केलं, शाहरुखसोबत डेब्यू केला अन् अभिनयाने वेडं लावलं! ओळखलंत का?

Sanjay Mishra Debut : बॉलिवूडच्या एका अभिनेत्याचा मोठा चाहतावर्ग आहे. या अभिनेत्याने करिअरच्या सुरुवातीला धाब्यावर काम केलं. त्यानंतर शाहरुखसोबत डेब्यू केला आणि आपल्या अभिनयाने प्रेक्षकांना वेड लावलं आहे.

Sanjay Mishra Debut

Sanjay Mishra : बॉलिवूडच्या (Bollywood) अनेक अभिनेत्यांनी आपल्या अभिनयाच्या जोरावर जगाला वेड लावलं आहे.  छोट्या-छोट्या खेडेंगावामधून अनेक अभिनेते नशीब आजमावण्यासाठी माया नगरी मुंबईत आले. फिल्म इंडस्ट्रीमध्ये अनेक शहरांमधून कलाकार आले आहेत. प्रत्येकाची वेगवेगळी गोष्ट आहे. बॉलिवूडवर राज्य करणाऱ्या एका अभिनेत्याने शाहरुख खानसोबत (Shah Rukh Khan) आपल्या करिअरची सुरुवात केली आहे. त्यानंतर इंडस्ट्रीसोडून तो धाब्यावर काम करू लागला. पण आजच्या घडीला या अभिनेत्याचा जगभरात मोठा चाहतावर्ग आहे. या अभिनेत्याला तुम्ही ओळखता का? 

शाहरुखच्या चित्रपटाच्या माध्यमातून केलं पदार्पण

बिहारमधील निम्न-मध्यमवर्गीय कुटुंबात अभिनेत्याचा जन्म झाला आहे. अभिनेत्याने आपल्या अभिनय करिअरची सुरुवात 1995 मध्ये आलेल्या शाहरुख खानच्या (Shah Rukh Khan) 'ओह डार्लिंग ये इंडिया है' या चित्रपटात एक छोटी भूमिका साकारत केली आहे. हा अभिनेता दुसरा-तिसरा कोणी नसून संजय मिश्रा (Sanjay Mishra) आहे. संजय मिश्राने आपल्या अभिनय करिअरची सुरुवात शाहरुख खानच्या चित्रपटाच्या माध्यमातून केली आहे. संजय मिश्रा 1991 मध्ये बिहारमधून मुंबईत आले. 

सुरुवातीपासून केलाय स्ट्रगल

चित्रपटसृष्टीत स्वत:ला सिद्ध करण्यासाठी संजय मिश्राला खूप मेहनत करावी लागली आहे. सुरुवातीपासूनच संजय मिश्राला चांगल्या भूमिका मिळवण्यासाठी खूप स्ट्रगल करावा लागला आहे. 1991 ते 1999 पर्यंत त्यांनी लाइटिंग, दिग्दर्शन अशा बऱ्याच गोष्टी शिकून घेतल्या. 

'या' चित्रपटाने दिली ओळख

संजय मिश्राला 2014 मध्ये प्रदर्शित झालेल्या 'आँखों देखी' या चित्रपटाच्या माध्यमातून चांगलीच ओळख मिळाली. न्यूज 18 ला दिलेल्या एका जुन्या मुलाखतीत संजय मिश्रा म्हणाले होते,"इंडस्ट्रीबद्दल मला काहीही तक्रार नव्हती. मला माझ्या आयुष्यातील गोष्टी खटकत होत्या. आयुष्य संपुष्टात येतंय की काय असं वाटत होतं. त्यामुळे मी ऋषिकेशला गेलो होतो. तिथे गंगा किनारी एका ढाब्यावर ऑमलेट बनवण्याचं काम करायचो. ढाब्याच्या मालकाने मला सांगितलं होतं की,दिवसाला मला 50 कप धुवावे लागतील आणि त्याबदल्यात मला 150 रुपये मिळतील". 

संजय मिश्रा यांनी पुढे दिग्दर्शक रोहित शेट्टीच्या अनेक चित्रपटांमध्ये काम केलं आहे. संजय मिश्रा यांनी कॉमेडी ते गंभीर भूमिकांच्या माध्यमातून प्रेक्षकांचं मनोरंजन केलं आहे. संजय मिश्राचं बॉलिवूडमध्ये मोठं नाव आहे. प्रत्येकजण संजय मिश्राच्या अभिनयाचा मोठा चाहता आहे. संजय मिश्राच्या आगामी चित्रपटांची चाहत्यांना आता उत्सुकता आहे. राजकुमार, सत्या अशा अनेक चित्रपटांमध्ये त्यांच्या अभिनयाची झलक पाहायला मिळत आहे.

संबंधित बातम्या