सलमान खानचा 'Antim' आणि जॉन अब्राहमचा 'Satyameva Jayate 2' आमने-सामने; पुढच्या आठवड्यात होणार प्रदर्शित

Box Office Clash 2021: पुढील आठवड्यात बॉक्स ऑफिसवर मोठी टक्कर होणार आहे. जॉन अब्राहमचा 'सत्यमेव जयते 2' आणि सलमान खानच्या 'अंतिम' सिनेमाची टक्कर होणार आहे.

movies

Box Office Clash : पुढचा आठवडा बॉलिवूडसाठी खूप खास असणार आहे. पुढच्या आठवड्यात बॉक्स ऑफिसवर दोन बड्या सिनेमांची टक्कर होणार आहे. 'अंतिम' आणि 'सत्यमेव जयते 2' या सिनेमांचा यात समावेश आहे. सलमान खानचा (Salman Khan) 'अंतिम-द फायनल ट्रुथ' (Antim: The Final Truth) आणि जॉन अब्राहमच्या (John Abraham) 'सत्यमेव जयते 2' (Satyameva Jayate 2) सिनेमात स्पर्धा दिसणार आहे. 

सलमान खानचा 'अंतिम-द फायनल ट्रुथ' सिनेमा पुढील आठवड्यात 26 नोव्हेंबरला प्रदर्शित होणार आहे. तर 25 नोव्हेंबरला जॉन अब्राहमचा 'सत्यमेव जयते 2' सिनेमा सिनेमागृहात प्रदर्शित होणार आहे. त्यामुळे बॉक्स ऑफिसवर हे दोन्ही सिनेमे एकमेकांना जोरदार टक्कर देणार आहेत. स्क्रीन्ससाठीदेखील दोन्ही सिनेमांत टक्कर होत आहे. 

सलमान खानच्या अंतिम सिनेमात आयुष शर्मादेखील मुख्य भूमिकेत असणार आहे. तर सत्यमेव जयते 2 सिनेमात जॉन अब्राहमसोबत दिव्या खोसलादेखील दिसणार आहे. या सिनेमाच्या निमित्ताने दीर्घ काळानंतर ती अभिनयात पदार्पण करत आहे. सलमान खानचा 'अंतिम' आणि जॉन अब्राहमचा 'सत्यमेव जयते 2' हे दोन्ही बिग बजेट सिनेमे आहेत. दोन्ही चित्रपट बॉक्स ऑफिसवर एकमेकांचे कलेक्शन कमी करताना दिसतील.

 

 

 

 

 

View this post on Instagram

 

 

 

 

 

 

 

 

 

 

 

A post shared by John Abraham (@thejohnabraham)

सलमान खान आणि आयुष शर्माच्या अंतिम सिनेमाचे बजेट 30 ते 35 कोटींच्या आसपास सांगितले जात आहे. अभिनेता आणि दिग्दर्शक महेश मांजरेकर यांच्या दिग्दर्शनाखाली हा सिनेमा तयार करण्यात आला आहे. हा सिनेमा मुळशी पॅटर्न या मराठी सिनेमाचा रिमेक आहे. त्याचबरोबर जॉन अब्राहमच्या सिनेमाची 40 ते 45 कोटींची कमाई असल्याचे सांगितले जात आहे. त्यमेव जयते 2 मध्ये जॉन अब्राहम एक-दोन नव्हे तर तिहेरी भूमिकेत दिसणार आहे. या दोन्ही चित्रपटांच्या ट्रेलरने यूट्यूबवर आधीच धुमाकूळ घातला आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha