Salman Khan Ajay Devgn Movie: रोहित शेट्टीच्या आगामी सिनेमात एकत्र दिसणार सलमान खान आणि अजय देवगन

Salman Khan Ajay Devgn Movie: सलमान खान (Salman Khan) आणि अजय देवगन (Ajay Devgn) लवकरच रोहित शेट्टी (Rohit Shetty) च्या आगामी सिनेमात दिसून येणार आहेत.

सलमान-आयुष-अजय

Salman Khan And Ajay Devgn Will Come Together: बॉलिवूड चित्रपटात जर दोन बडे कलाकार एकत्र दिसून येत असतील तर चाहत्यांमध्येसदेखील उत्सुकता दिसून येते. आतापर्यंत अनेक चित्रपटांत दोन बडे कलाकार एकत्र दिसून आले आहेत. आता रोहित शेट्टीच्या (Rohit Shetty) च्या आगामी सिनेमात सलमान खान (Salman Khan) आणि अजय  देवगन (Ajay Devgn) एकत्र दिसून येणार आहेत. 

रोहित शेट्टी नुकताच सूर्यवंशी (Sooryavanshi) सिनेमाच्या प्रमोशनसाठी सलमान खानच्या बिग बॉसमध्ये दिसून आला होता. दरम्यान रोहित शेट्टीने सलमान खानला घेऊन सिनेमा करण्याचे जाहीर केले आहे. तेव्हा बिग बॉस 15 च्या जाहीर कार्यक्रमात सलमान खान रोहित शेट्टीला नाही म्हणू शकला नाही. त्यामुळेच सलमान रोहित शेट्टीच्या नव्या चित्रपटासाठी चाहतेदेखील उत्सुक आहेत. सध्या सलमान त्याच्या आगामी 'अंतिम' सिनेमाच्या प्रमोशनमध्ये व्यस्त आहे. 

'अंतिम' सिनेमात सलमान खान एका पोलीस ऑफिसरच्या भूमिकेत दिसून येणार आहे. राजवीर सिंह असे त्या पोलिसाचे नाव आहे. तर सिनेमात आयुष शर्मा एका गुंडाच्या भूमिकेत दिसून येणार आहे. सलमान खान आणि आयुष शर्माची जोडी पहिल्यांदाच या सिनेमाच्या माध्यमातून प्रेक्षकांना पाहायला मिळणार आहे. मोठ्या पडद्यावर दोघांना एकत्र बघण्यासाठी चाहतेदेखील उत्सुक आहेत. 

सलमान खान (Salman Khan) आणि आयुष शर्मा (Aayush Sharma) चा आगामी 'अंतिम-फायनल ट्रुथ' (Antim-The Final Truth) सिनेमा येत्या 26 नोव्हेंबरला बॉक्स ऑफिसवर धुमाकुळ घालणार आहे.