Ranveer Singh: 'अपना टाइम आएगा', अरुणाचल प्रदेशातील मुलाचा रणवीर झाला फॅन

व्हिडीओमध्ये तो मुलगा रणवीरच्या (Ranveer singh) गल्ली बॉयमधील 'अपना टाइम आएगा' हे गाणे गाताना दिसत आहे.

| Ranveer Singh

बॉलिवूडचा प्रसिद्ध अभिनेता रणवीर सिंह (Ranveer singh) त्याच्या अभिनयाने आणि नृत्याने प्रेक्षकांचे मनोरंजन करत असतो. रणवीरचा चाहता वर्ग देखील मोठा आहे. त्याच्या  गल्ली बॉय या चित्रपटाला प्रेक्षकांची प्रचंड पसंती मिळाली होती. नुकताच रणवीरने अरुणाचल प्रदेशमधील एका लहान मुलाचा व्हिडीओ सोशल मीडियावर शेअर केला आहे. या व्हिडीओमध्ये तो मुलगा रणवीरच्या गल्ली बॉयमधील 'अपना टाइम आएगा' हे गाणे गाताना दिसत आहे. रणवीरने शेअर केलेला हा व्हिडीओ सध्या सोशल मीडियावर प्रचंड व्हायरल होत आहे. या व्हिडीओला बॉलिवूडमधील अनेक कलाकारांनी कमेंट्स केल्या आहेत.  

रणवीरने शेअर केला व्हिडीओ
रणवीरने हा व्हिडीओ शेअर करत कॅप्शनमध्ये 'अपना टाइम आएगा' असा हॅशटॅग वापरला आहे. रणवीरने शेअर केलेल्या या व्हिडीओला 1.9 मिलियन लोकांनी पाहिले आहे. तसेच दिया मिर्झा आणि दीपिका पादुकोण या अभिनेत्रींने या व्हिडीओवर कमेंट्स देखील केल्या आहेत. एका नेटकऱ्याने कमेंट करत लिहिले, 'सो क्यूट' तर दुसऱ्यानवे लिहीले, 'बचपन का प्यारपेक्षा हा व्हिडीओ चांगला आहे. '

गल्ली बॉय हा चित्रपट 2019 मध्ये प्रदर्शित झाला. या चित्रपटाचे दिग्दर्शन जोया अख्तरने केले असून आलिया भट, विजय वर्मा, रणवीर सिंग आणि अमृता सुभाष या कलाकारांनी या चित्रपटामध्ये प्रमुख भूमिका साकारल्या आहेत. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranveer Singh (@ranveersingh)

रणवीरचे आगामी चित्रपट
रणवीरचा 83 हा चित्रपट लवकरच प्रेक्षकांच्या भेटीस येणार आहे. या चित्रटामध्ये रणवीर कपिल देव यांची भूमिका साकारणार आहे. तसेच सर्कस, 'रॉकी और रानी की प्रेम कहानी' आणि 'तख्त' या रणवीरच्या आगामी बिग बजेट चित्रपटांबद्दल प्रेक्षक उत्सुक आहेत.