Navratri 2021: बॉलिवूडकरांकडून चाहत्यांना नवरात्रोत्सवाच्या शुभेच्छा!

नवरात्रोत्सवानिमीत्त सोशल मीडियावर बॉलिवूडमधील अनेक कलाकारांनी त्यांच्या चाहत्यांना शुभेच्छा दिल्या आहेत.

Feature_Photo_7

आजपासून (7 ऑक्टोबर) नवरात्रोत्सवाला सुरूवात झाली आहे.  नवरात्रोत्सवानिमीत्त सोशल मीडियावर बॉलिवूडमधील अनेक कलाकारांनी त्यांच्या चाहत्यांना शुभेच्छा दिल्या आहेत.  अमिताभ बच्चन, सुष्मिता सेन, हेमा मालिनी आणि अनुपम खेर या बॉलिवूड कलाकरांनी सोशल मीडियावर चाहत्यांना शुभेच्छा दिल्या. 

अमिताभ बच्चन
बॉलिवूडचे बिग बी अर्थात अमिताभ बच्चन यांनी त्यांच्या ट्विटर अकाउंटवरून त्यांच्या चाहत्यांना नवरात्रोउत्सवाच्या शुभेच्छा दिल्या आहेत. अमिताभ यांनी ट्विटमध्ये  'या देवी सर्वभूतेषु शक्ति-रूपेण संस्थिता। नमस्तस्यै नमस्तस्यै नमस्तस्यै नमो नमः नवरात्रोत्सवाच्या सर्वांना शुभेच्छा' असे लिहीले.  

सुष्मिता सेन
अभिनेत्री सुष्मिता सेन ही दुर्गा देवीची भक्त आहे. ती नेहमी  शुभ कार्याची सुरूवात करताना दुर्गा देवीचा आशीर्वाद घेते. तिने सोशल मीडियावर पोस्ट शेअर करत चाहत्यांना नवरात्रोत्सवाच्या शुभेच्छा दिल्या तिने पोस्टमध्ये लिहीले, 'सर्वांना नवरात्रोत्सवाच्या हार्दिक शुभेच्छा'

हेमा मालिनी 
बॉलिवूडच्या ड्रिम गर्ल म्हणून ओळखल्या जाणाऱ्या अभिनेत्री हेमा मालिनी यांनी सोशल मीडियावरील पोस्टमध्ये लिहीले, 'जेव्हा दुर्गा देवी 9 दिवसांसाठी आपल्यासोबत राहते तेव्हा ती सर्वांना आशीर्वाद देत असते. तुम्हा सर्वांना नवरात्रीच्या शुभेच्छा' 

अनुपम खेर
अभिनेते अनुपम खेर यांनी पोस्ट करत लिहीले, 'दुर्गा देवी सर्वांची रक्षा करो आणि सर्वांना निरोगी ठेवो.'  
तसेच संजय दत्त, परेश रावल आणि बॉलिवूडमधील काही प्रसिद्ध कलाकरांनी नवरात्रोत्सवाच्या शुभेच्छा सोशल मीडियावर पोस्ट करून दिल्या आहेत.

यंदा नऊ नाहीतर 8 दिवसांचा नवरात्रोत्सव, गुरुचा विशेष योग

यंदाच्या वर्षी तृतीया तिथी आणि चतुर्थी शनिवारी एकाच दिवशी आली आहे. ज्यामुळे चतुर्थीचा लोप झाला. म्हणून यंदा चंद्रघंटा आणि कुष्मांडा या देवीच्या रुपांची एकाच दिवशी पूजा केली जाणार आहे. याच कारणामुळं नवरात्रोत्सव आठ दिवस साजरा करण्यात येणार आहे.