Animal Pre Teaser Out : हातात हातोडा, तोंडात सिगारेट; रणबीर कपूरच्या 'अॅनिमल'चा प्री-टीझर आऊट

Animal Pre-Teaser Released : 'अॅनिमल' हा सिनेमा लवकरच प्रेक्षकांच्या भेटीला येणार असून आता या सिनेमाचा प्री-टीझर प्रेक्षकांच्या भेटीला आला आहे.

Animal

Animal Pre-Teaser Released : बॉलिवूड अभिनेता रणबीर कपूर (Ranbir Kapoor) 'तू झुठी मैं मक्कार' या सिनेमानंतर संदीप रेड्डी वांगाच्या आगामी 'अॅनिमल' या सिनेमात दिसणार आहे. रणबीरचे चाहते गेल्या काही दिवसांपासून या बहुचर्चित सिनेमाची प्रतिक्षा करत आहेत. आता निर्मात्यांनी या सिनेमाचा प्री टीझर रिलीज केला आहे. या सिनेमाच्या प्री-टीझरमध्ये रणबीरचा अॅक्शन मोड पाहायला मिळत आहे. 

संदीप रेड्डी वांगा दिग्दर्शित आणि भूषण कुमार निर्मित 'अॅनिमल' या सिनेमाचं कथानक खूपच दमदार असणार आहे. या सिनेमात रणबीर कपूरसोबत अनिल कपूर, रश्मिका मंदान्ना, बॉबी देओल आणि तृप्ती डिमरी हे कलाकार महत्त्वाच्या भूमिकेत दिसणार आहेत. हा सिनेमा 11 ऑगस्ट 2023 रोजी हिंदी, तेलुगू, तामिळ, कन्नड आणि मल्याळम या पाच भाषांमध्ये प्रदर्शित होणार आहे. 

'अॅनिमल'च्या प्री-टीझरमध्ये काय खास आहे? 

'अॅनिमल' सिनेमाचा ट्रेलर रिलीज होण्याआधी या सिनेमाचा प्री-टीझर प्रेक्षकांच्या भेटीला आला आहे. त्यामुळे प्रेक्षकांची उत्सुकता आता आणखी वाढली आहे. प्री-टीझरच्या सुरुवातीला विशेष मुखवटे घातलेले काही लोक दिसत आहेत. त्यांच्या हातात कुऱ्हाडी आहेत. त्यानंतर प्री-टीझरमध्ये सिनेमातील मुख्य नायकाची एन्ट्री होतो. तो हातोडा उचलतो आणि प्रत्येकाला मारायला सुरुवात करतो. 
प्री-टीझरच्या शेवटी नायकाचा चेहरा दाखवण्यात आला आहे. प्री-टीझरच्या पार्श्वभूमीवर एक पंजाबी गाणं ऐकू येत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

प्री-टीझरने वाढली चाहत्यांची उत्सुकता

'अॅनिमल'चा प्री-टीझर पाहिल्यानंतर प्रेक्षक आता या सिनेमाबद्दल उत्सुक झाले आहेत आणि आता ते या अॅक्शनपटाची आतुरतेने वाट पाहत आहेत. मी या सिनेमासाठी उत्सुक आहे, रणबीरने त्याचा रोमँटिक हिरोचा रेकॉर्ड मोडला आहे, रणबीर आणि संदीप वांगाच्या जोडीची कमाल या सिनेमात पाहायला मिळणार, अशा कमेंट्स चाहत्यांनी केल्या आहे. 

'अॅनिमल'मध्ये रणबीर कपूर एका वेगळ्याच भूमिकेत दिसणार आहे. या सिनेमातील रणबीर कपूरची भूमिका ही त्याच्या आतापर्यंतच्या त्याने साकारलेल्या भूमिकेपेक्षा फार वेगळी आहे. रणबीर कपूरचा अॅनिमल हा सिनेमा टी-सीरीज, मुराद खेतानी, सिने1 स्टुडिओ आणि प्रणय रेड्डी यांच्या प्रॉडक्शन हाऊस भद्रकाली पिक्चर्स यांनी संयुक्तपणे तयार केला आहे.

संबंधित बातम्या