Brahmastra Kesariya Song : 'केसरिया' गाण्याला ट्रोल करणाऱ्यांना रणबीर आणि अयान मुखर्जीचं उत्तर; म्हणाले....
मजेशीर मीम्स सोशल मीडियावर शेअर करुन काही नेटकऱ्यांनी केसरिया (Kesariya) या गाण्याला ट्रोल केलं आहे. आता या ट्रोलर्सला चित्रपटाचा दिग्दर्शक अयान मुखर्जी (Ayan Mukerji) आणि रणबीरनं उत्तर दिलं आहे.
Brahmastra Kesariya Song : प्रसिद्ध अभिनेता रणबीर कपूर (Ranbir Kapoor) आणि आलिया भट्ट (Alia Bhatt) यांचा 'ब्रह्मास्त्र'(Brahmastra) हा चित्रपट लवकरच रिलीज होणार आहे. या चित्रपटामधील केसरिया (Kesariya) हे गाणं 17 जुलै रोजी रिलीज झालं. या गाण्याला काही लोकांची पसंती मिळाली तर काहींनी या गाण्याला ट्रोल केलं. मजेशीर मीम्स सोशल मीडियावर शेअर करुन काही नेटकऱ्यांनी या गाण्याला ट्रोल केलं आहे. आता या ट्रोलर्सला चित्रपटाचा दिग्दर्शक अयान मुखर्जी (Ayan Mukerji) आणि रणबीरनं उत्तर दिलं आहे.
काय म्हणाला अयान?
केसरिया गाण्याचे मीम्स शेअर करुन या गाण्याला ट्रोल करणाऱ्यांबाबत अयान म्हणाला, 'गेल्या काही दिवसांपासून हे ट्रोलिंग सुरु आहे. आम्ही लव्ह स्टोरीया हा शब्द खूप प्रेमाने गाण्यामध्ये अॅड केला होता. हा शब्द आम्हाला इंट्रेस्टिंग ट्विस्ट सारखा वाटला. आम्हा हा शब्द इलायची नाही तर खूप साखरेमध्ये थोड्या मिठासारखा वाटला.'
एका मुलाखतीमध्ये रणबीर म्हणाला, 'मला या गाण्याचा ट्रॅक आवडला. हे गाणं कशा प्रकारे स्विकारायचे हे प्रेक्षकांच्यावर अवलंबून आहे. ट्रोलिंग आणि मीम्स हा सध्या जीवनाचा एक भाग झाला आहे. जो पर्यंत लोक प्रीतमच्या संगीताचा आणि अरिजीत सिंहच्या गायनाचा आनंद घेत आहेत, तोपर्यंत सर्व ठिक आहे. '
या ओळीमुळे केसरिया गाणं ट्रोल
रणबीर आणि आलियाच्या ब्रह्मास्त्र चित्रपटातील केसरिया या गाण्याचा टीझर रिलीज झाल्यानंतर 'केसरिया तेरा इश्क है पिया' या ओळीनं अनेकांची मनं जिंकली. पण आता हे पूर्ण गाणं रिलीज झाल्यानंतर 'लव्ह स्टोरियां' या गाण्यातील ओळीमुळे अनेक नेटकरी या गाण्याला ट्रोल करत आहेत. केसरिया गाण्याला ट्रोल करत एका नेटकऱ्यानं लिहिलं, 'लव्ह स्टोरीया' ही ओळ बिर्याणीमधील इलायची सारखी आहे.' तर दुसऱ्या युझरनं सोशल मीडियावरील पोस्टमध्ये लिहिलं, 'या गाण्यातील सर्वात खराब 'लव्ह स्टोरियां' ही ओळ आहे.'
हेही वाचा:
महत्त्वाच्या बातम्या
