Ram Charan, Upasana Kamineni : ‘गुड न्यूज’ कधी देताय? चाहत्यांकडून विचारणा! राम चरण आणि उपसना म्हणतात...

Ram Charan, Upasana Kamineni : लग्नाला 10 वर्ष झाली तरी अद्याप मूलबाळ नसल्याने अनेकदा त्याला ‘गुडन्यूज’ कधी देताय अशी विचारणा होत असते. यावर आता रामचरणची पत्नी उपासना हिने प्रतिक्रिया दिली आहे.

Ram Charan,Upasana Kamineni

Ram Charan, Upasana Kamineni : साऊथ सुपरस्टार राम चरण (Ram Charan) याने आपल्या अभिनयाने प्रेक्षकांना घायाळ केलं आहे. केवळ अभिनयचं नव्हे तर, राम चरण अनेक गोष्टींमुळे नेहमीच चर्चेत असतो. त्याची पिळदार शरीरयष्टी, अप्रतिम अभिनय, नृत्य कौशल्य आणि देखणा लूक या सगळ्यामुळे प्रेक्षकांना अक्षरशः वेडावले आहे. लाखो तरुणींच्या मनात असणाऱ्या राम चरण याने दहा वर्षांपूर्वी प्रेयसी, उपासना कामिनेनी (Upasana Kamineni) हिच्याशी लग्न करून या लाखो मुलींची हृदयं तोडली होती. राम चरण आणि उपसना ही जोडी संपूर्ण मनोरंजन विश्वात प्रसिद्ध आहे. मात्र, ही जोडी सध्या एका वेगळ्याच कारणामुळे चर्चेत आली आहे.

लग्नाला 10 वर्ष झाली तरी अद्याप मूलबाळ नसल्याने अनेकदा त्याला ‘गुडन्यूज’ कधी देताय अशी विचारणा होत असते. यावर आता रामचरणची पत्नी उपासना हिने प्रतिक्रिया दिली आहे.

10 वर्ष उलटूनही बाळाचा विचार नाही!

एखादे जोडपे लग्न करते, तेव्हा त्यांना पहिला प्रश्न हाच ऐकायला मिळतो की, ते 'गुड न्यूज' कधी देणार? दाक्षिणात्य अभिनेता राम चरण आणि त्याची पत्नी उपासना कामिनेनी यांच्यासोबतही असेच घडले होते. त्यांच्या लग्नाला 10 वर्ष पूर्ण झाली आहे आणि या जोडीने त्यांच्या आयुष्यातील अनेक स्वप्नांची पूर्ती केली आहे. परंतु, अजूनही त्यांनी बाळ जन्माला घालण्याचा निर्णय घेतलेला नाही.

नुकतीच उपासना सद्गुरूंना भेटायला गेली होती. त्यांच्याशी झालेल्या संभाषणादरम्यान उपासनाने म्हटले की, लोकसंख्या नियंत्रणासाठी तिला मुले नको आहेत. तिने असेही म्हटले की, यामुळे लोक तिच्या नातेसंबंधांविषयी आणि लग्नाविषयी प्रश्न विचारू लागले आहेत.

म्हणून इतक्यात मूल नको!

याआधी, दुसर्‍या एका मुलाखतीत राम चरणला असाच प्रश्न विचारण्यात आला होता. तेव्हा उत्तर देताना अभिनेता म्हणाला की, आम्ही अजून बाळाचा विचार केलेला नाही आणि आणखी काही वर्ष करणारही नाही. तो म्हणाला, ‘मेगा स्टार चिरंजीवीचा मुलगा म्हणून, चाहत्यांना आनंदी ठेवण्याची जबाबदारी माझ्यावर आहे. जर, मी कुटुंब सुरू केले तर, मी माझ्या ध्येयापासून दूर जाऊ शकतो. उपासनाचीही काही ध्येये आहेत. त्यामुळे आम्ही काही वर्षे मुलं जन्माला न घालण्याचे ठरवले आहे.’

हेही वाचा :