Stree 2 Trailer : चंदेरी गावात 'सरकटा'ची असणार दहशत; धडकी भरवून हसायला लावणारा 'स्त्री-2 'चा ट्रेलर रिलीज

Stree 2 Trailer : धडकी भरवणारा आणि हसायला लावणाऱ्या 'स्त्री-2' च्या ट्रेलरला प्रेक्षकांनी चांगलाच प्रतिसाद दिला आहे. राजकुमार राव, श्रद्धा कपूर, पंकज त्रिपाठी, अभिषेक बॅनर्जी, अपारशक्ती खुराणा आदी कलाकारांच्या दमदार अभिनयाची झलक या ट्रेलरमध्ये दिसून आली आहे.

Stree 2 Trailer Out Watch Here

Source : RAILER SNAPSHOT

Stree 2 Trailer : जवळपास सहा वर्षापूर्वी बॉक्स ऑफिसवर आणि प्रेक्षकांच्या मनावर 'स्त्री' चित्रपटाने धुमाकूळ घातला होता. आता, या हॉरर-कॉमेडीपटाचा सिक्वेल प्रेक्षकांच्या भेटीला येणार आहे. 'स्त्री-2' चा (Stree 2 Trailer) ट्रेलर आउट झाला आहे. आता, चंदेरी गावात स्त्री नाही तर  'सरकटा' दहशत घालणार आहे. धडकी भरवणारा आणि  हसायला लावणाऱ्या 'स्त्री-2' च्या (Stree 2) ट्रेलरला प्रेक्षकांनी चांगलाच प्रतिसाद दिला आहे. राजकुमार राव (Rajkumar Rao), श्रद्धा कपूर (Shraddha Kapoor), पंकज त्रिपाठी (Pankaj Tripathi), अभिषेक बॅनर्जी, अपारशक्ती खुराणा आदी कलाकारांच्या दमदार अभिनयाची झलक या ट्रेलरमध्ये दिसून आली आहे. 

 'स्त्री-2' च्या ट्रेलरमध्ये काय?

'स्त्री 2' च्या ट्रेलरमध्ये यावेळी चंदेरी गावात आता स्त्रीची दहशत नाही. मात्र, तिच्या ऐवजी 'सरकटा' या भूताची दहशत दिसणार आहे. शरीरविक्री करणाऱ्या महिलेची हत्या करून तिला 'स्त्री' करतो. आता, त्याच सरकटाचे संकट चंदेरी गावावर आले आहे. गावावर आलेल्या या 'सरकटा' भूताचे संकट दूर करण्यासाठी पुन्हा एकदा राजकुमार राव म्हणजेच विकी आणि त्याचे मित्र सरसावले आहेत. यावेळी 'सरकटा' भूताला पकडण्यासाठी सापळा रचला जातो. ट्रेलरमध्ये चित्रपटातील हॉरर आणि कॉमेडीच्या टायमिंगची झलक दिसून येते. ट्रेलरमध्ये पंकज त्रिपाठी, राजकुमार राव, अभिषेक बॅनर्जी आणि सुनीता राजवार यांचे मजेदार संवाद तुमच्या चेहऱ्यावर हास्य उमटवतील. 

 

 

 

 

 

View this post on Instagram

 

 

 

 

 

 

 

 

 

 

 

A post shared by RajKummar Rao (@rajkummar_rao)

ट्रेलर प्रेक्षकांचा दमदार प्रतिसाद...

या चित्रपटाचा ट्रेलर रिलीज झाल्यानंतर प्रेक्षकांनी सकारात्मक प्रतिसाद दिला आहे. राजकुमारचेही चाहत्यांनी कौतुक केले आहे. पंकज त्रिपाठी यांची संवादफेकही प्रेक्षकांना भावली आहे. एका युजरने हा ब्लॉकबस्टर चित्रपट असल्याचे एकाने म्हटले. काहींनी ट्रेलरमधील विशिष्ट सीनचा उल्लेख करत कलाकारांच्या अभिनयाचे कौतुक केले आहे.   

कधी रिलीज होणार 'स्त्री-2'?

'स्त्री-2' ची घोषणा झाल्यानंतर चित्रपटाच्या रिलीज डेटबाबत चाहत्यांना मोठी उत्सुकता लागली होती.  स्त्री-2 हा चित्रपट 15 ऑगस्ट रोजी प्रेक्षकांच्या भेटीला येणार आहे. याच दिवशी पुष्पा -2  रिलीज होणार होता. मात्र, पुष्पा-2 ने आपली रिलीजे डेट पुढे ढकलत डिसेंबरमध्ये प्रेक्षकांच्या भेटीला येणार आहे. 

पाहा 'स्त्री-2'चा ट्रेलर : Stree 2 | Official Trailer | Shraddha K | Rajkummar R | Pankaj T | Dinesh V | Amar K | 15th Aug 2024