R Madhavan : ...अन् आर माधवन नमाज पढत असलेल्या व्यक्तीच्या शेजारी गायत्री मंत्राचा जप करू लागला; जाणून घ्या काय आहे ही घटना

R Madhavan : आर माधवन विमानतळावर नमाज पढत असलेल्या व्यक्तीच्या शेजारी गायत्री मंत्राचा जप करू लागला.

आर_माधवन

R Madhavan : नेटफ्लिक्स वेबसीरिज 'Decoupled' सध्या सोशल मीडियावर चर्चेत आहे. या वेबसीरिजला सकारात्मक आणि नकारात्मक अशा दोन्ही प्रकारच्या प्रतिक्रिया मिळत आहेत. या वेबसीरिजमध्ये आर माधवन आणि सुरवीन चावला मुख्य भूमिकेत आहेत. आर माधवनने आर्य अय्यरची भूमिका साकारली आहे. नुकताच या कार्यक्रमातील एक व्हिडीओ व्हायरल होत आहे. या व्हिडीओमध्ये आर माधवन दिल्ली विमानतळावरील प्रार्थना हॉलमध्ये काही स्ट्रेचिंग व्यायाम करताना दिसत आहे. 

'Decoupled' या सीरिजमधील आर्य अय्यर या लेखकाला पाठदुखीचा त्रास असतो. त्यामुळे ते स्ट्रेचिंग व्यायाम करण्यासाठी मोकळी जागा शोधत असतो. जागा शोधताना तो विमानतळावरील प्रार्थना कक्षेत जातो. तिथे खोलीत आणखी एक व्यक्ती नमाज पठण करत असते. माधवन जेव्हा त्याच्या बाजूला स्ट्रेचिंग व्यायाम सुरू करतो तेव्हा तो माणूस चिडतो. हे प्रार्थना कक्ष आहे, इथे व्यायाम करू शकत नाही, असं तो माधवनला म्हणतो. माधवन त्याला सांगण्याचा प्रयत्न करतो की पाठदुखीचा त्रास असल्याने विमानात बसण्यापूर्वी तो स्ट्रेचिंग करत आहे. माधवन त्या माणसाला समजावण्याचा खूप प्रयत्न करतो, पण तो व्यक्ती त्याचं ऐकत नाही.

@ActorMadhavan 👌👌🤪 pic.twitter.com/az4EhO90gu

— Saru (@Saru27970518) December 19, 2021

नमाज पठण करणारी ती व्यक्ती अखेर चिडून विमानतळावरील कर्मचाऱ्याकडे माधवनची तक्रार करते. त्यानंतर तो कर्मचारी आर माधवनला सांगतो की, तो तिथे व्यायाम करू शकत नाही. ही खोली केवळ प्रार्थनेसाठी आहे असं तो कर्मचारी म्हणताच, आर माधवन गायत्री मंत्राचा जप करायला सुरू करतो. 'Decoupled' या सीरिजचा भाग असलेला हा व्हिडीओ सोशल मीडियावर प्रचंड व्हायरल होत आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha