Prithviraj Controversy : ‘पृथ्वीराज’ सिनेमा पुन्हा चर्चेत; सिनेमाचं नाव बदला, करणी सेनेची मागणी

Prithviraj : ‘पृथ्वीराज’ सिनेमा लवकरच सिनेमागृहात प्रदर्शित होणार आहे.

Prithviraj

Prithviraj Controversy : खिलाडी कुमार अर्थात अक्षय कुमारचा (Akshay Kumar) बहुचर्चित 'पृथ्वीराज' (Prithviraj) सिनेमा लवकरच प्रेक्षकांच्या भेटीला येणार आहे. सिनेमाचा ट्रेलर प्रदर्शित झाल्यामुळे प्रेक्षक आता सिनेमाची प्रतीक्षा करत आहेत. हा सिनेमा येत्या 3 जूनला सिनेमागृहात प्रदर्शित होणार आहे. पण त्याआधीच हा सिनेमा वादाच्या भोवऱ्यात अडकला आहे. करणी सेनेने या सिनेमाचं नाव बदलण्याची मागणी केली आहे. 

‘पृथ्वीराज’ सिनेमाचं नाव बदलण्यात यावं, अशी करणी सेनेने यशराज फिल्समच्या सीईओंकडे मागणी केली आहे. करणी सेनेचे प्रवक्ते सुरजीत सिंह राठोड म्हणाले, यशराज फिल्म्सचे सीईओ अक्षय विधानी यांची आम्ही भेट घेतली आहे. लवकरच सिनेमाचे नाव बदलण्यात येईल, असे त्यांनी आम्हाला वचन दिले आहे. आमची मागणी पूर्ण करण्यास यशराज यशराज फिल्म्स तयार आहे. पण अद्याप यासंदर्भात यशराज फिल्म्सकडून कोणतीही अधिकृत घोषणा करण्यात आलेली नाही. 

सुरजीत सिंह राठोड पुढे म्हणाले, ‘पृथ्वीराज’ सिनेमाचं नाव बदलण्यात आलं नाही तर हा सिनेमा आम्ही राजस्थानमध्ये प्रदर्शित होऊ देणार नाही. राजस्थानमधील सिनेमागृहांना यासंदर्भात माहिती दिलेली आहे. सिनेमाचे नाव जर ‘पृथ्वीराज’ असेल तर या सिनेमाला राजस्थानमध्ये प्रदर्शित करण्यास करणी सेना परवानगी देणार नाही. 

'पृथ्वीराज' या सिनेमाचं दिग्दर्शन चंद्रप्रकाश द्विवेदी यांनी केलं आहे. यश राज फिल्म्सनं या सिनेमाची निर्मिती केली आहे. रिपोर्टनुसार, सिनेमाचे कथानक हे राजा पृथ्वीराज चौहान यांच्या जीवनावर आधारित असणार आहे. 300 कोटींच्या बजेटमध्ये या चित्रपटाची निर्मिती करण्यात आली आहे.  मानुषी छिल्लर या सिनेमाच्या माध्यमातून बॉलिवूडमध्ये पदार्पण करत आहे. त्यामुळे प्रेक्षक या सिनेमाची उत्सुकतेने वाट पाहत आहेत. 

अक्षय कुमारनं या सिनेमात 'पृथ्वीराज' ही प्रमुख भूमिका साकारली असून मानुषी छिल्लरने संयोगिता ही भूमिका साकारली आहे. संजय दत्त, सोनू सूद, आशुतोष राणा या कलाकारांनी सिनेमात महत्तवाची भूमिका साकारली आहे. हा सिनेमा 3 जून रोजी हिंदी, तमिळ आणि तेलगू या भाषांमध्ये प्रदर्शित होणार आहे. 

संबंधित बातम्या