Prasad Oak Manjiri Oak : 'अशी' सुरू झाली प्रसाद-मंजूच्या 'प्रेमाची गोष्ट'; लग्नाच्या 25 व्या वाढदिवशी मंजिरीची खास पोस्ट, प्रसादच्या रोमॅंटिक कमेंटने वेधलं चाहत्यांचं लक्ष

Prasad Oak Manjiri Oak : प्रसाद ओक आणि मंजिरी ओकच्या सुखी संसाराला आज 25 वर्ष पूर्ण झाली आहेत.

Prasad Oak Majiri Oak

Prasad Oak Manjiri Oak : प्रसाद ओक (Prasad Oak) आणि मंजिरी ओकच्या (Manjiri Oak) सुखी संसाराला आज 25 वर्ष  पूर्ण झाली आहेत. लग्नाच्या 25 व्या वाढदिवसानिमित्त मंजिरीने खास पोस्ट लिहिली आहे. तिची ही पोस्ट सध्या सोशल मीडियावर व्हायरल होत आहे. 

मंजिरीने प्रसादच्या आतापर्यंतच्या सर्व नाटकांची नावं गुंफून त्यांच्या सहजीवनाबद्दल खास पोस्ट लिहिली आहे. तिने लिहिलं आहे,"93 साली खऱ्या अर्थाने 'प्रेमाची गोष्ट' सुरू झाली. अर्थात त्याआधी तू मला बराच काळ 'अधांतर' ठेवलं होतंस आणि त्यामुळे आपल्यामध्ये काही दिवस रणांगण तापलं होतं... पण हळू हळू 'अशी बायको हवी' म्हणत तू 'एकदा पाहावं करून' असंही म्हणालास आणि आपण लग्न करू की नाही असं वाटणाऱ्या लोकांचा 'भ्रमाचा भोपळा' फोडलास आणि शेवटी ही 'साहेबजी डार्लिंग' झालीच". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Manjiri Oak (@manjiri_oak)

'धन धना धन' असा आपला संसार सुरू झाला. तो चालू असताना तुला अनेकदा मला मनवताना 'बोल बेली बोल' म्हणावं लागलं आणि मला पटवावं लागलं की खरंच 'मी बबन प्रामाणिक' आहे. पण तुला लवकरच कळलं की मीच या घरची 'सूत्रधार द बॉस' आहे. अर्थात तुला ती संधी मी 'आलटून पालटून' देत होते. यालाच म्हणत असतील का सुखी संसाराची 'नांदी'? 

मंजिरीने पुढे लिहिलं आहे,"आपला पुण्याचा 'वाडा चिरेबंदी' वाडा सोडून आज 25 वर्ष झाली. पण तुझ्या बरोबरच्या अनेक सुख दु:खाची ही बेचकी तोडून आज ही मी तुझ्या बरोबर एका मग्न तळ्याकाळीच बसली आहे असंच वाटतं. त्यामुळे पुढची 25 वर्ष एकमेकांना तू म्हणशील तसं म्हणतच राहुयात".

मंजिरीच्या या पोस्टवर प्रसादच्या कमेंटने मात्र लक्ष वेधलं आहे. त्याने लिहिलं आहे,तूच होतीस 'कच्चा लिंबू', तूच झालीस आपल्या मुलांची 'हिरकणी', तूच आहेस माझी 'चंद्रमुखी' असंच आनंदात जगू 'हाय काय नाय काय". 

संबंधित बातम्या