Palak Muchhal- Mithun Sharma: गायिका पलक मुच्छलनं मिथुन शर्मासोबत बांधली लग्नगाठ; थाटात पार पडला विवाह सोहळा
मुंबईमध्ये पलक (Palak Muchhal) आणि मिथुन (Mithun Sharma) यांचा लग्नसोहळा पार पडला असून त्यांच्या रिसेप्शन पार्टीला अनेक बॉलिवूड सेलिब्रिटींनी हजेरी लावली.
Palak Muchhal-Mithun Sharma: बॉलिवूडमधील प्रसिद्ध पार्श्वगायिका पलक मुच्छल (Palak Muchhal) आणि म्युझिक कंपोजर मिथुन शर्मा (Mithun Sharma) यांचा विवाह सोहळा पार पडला. मुंबईमध्ये पलक आणि मिथुन यांचा लग्नसोहळा पार पडला असून त्यांच्या रिसेप्शन पार्टीला अनेक बॉलिवूड सेलिब्रिटींनी हजेरी लावली. शनिवारी (5 नोव्हेंबर) पलक आणि मिथुन यांचा हळद, मेहंदी आणि संगीत सोहळा पार पडला होता. या सोहळ्याचे फोटो सोशल मीडियावर व्हायरल झाले होते.
पलकच्या हळद आणि संगीत सोहळ्याचे फोटो व्हायरल झाले. या फोटोमध्ये पलकचा भाऊ पलाश हा तिला हळद लावताना दिसत आहे. पलकनं 2012 साली प्रदर्शित झालेल्या एक था टायगर या चित्रपटामधील तसेच आशिकी 2 (2013), किक (2014), एक्शन जॅक्सन (2014) प्रेम रतन धन पायो (2015), एम. एस. धोनी: द अनटोल्ड स्टोरी (2016) काबिल (2017), बाघी 2 (2018) आणि पल पल दिल के पास (2019) या चित्रपटांमधील गाणी गायली आहेत. एम. एस. धोनी: द अनटोल्ड स्टोरी या चित्रपटातील कौन तुझे हे पलकनं गायलेलं गाणं लोकप्रिय ठरले.
पलकनं तिच्या ब्रायडल लूकमधील काही फोटो सोशल मीडियावर शेअर केले आहेत. मिथुनसोबतचे हे फोटो शेअर करुन पलकनं कॅप्शनमध्ये लिहिलं, 'आज आम्ही दोघे एक झालो आहोत.' पलकनं शेअर केलेल्या या फोटोला गायक शान गायिका अदिती सिंह शर्मा आणि अभिनेत्री दिव्या खोसला कुमार यांनी कमेंट करुन शुभेच्छा दिल्या आहेत.
View this post on Instagram
पलक मुच्छलचा जन्म 30 मार्च 1992 रोजी इंदूर येथे झाला. तिची आई अमिता मुछाल या एक गृहिणी आहेत. तर तिचे वडील राजकुमार मुच्छाल एका खाजगी कंपनीत काम करतात. तिचे शिक्षण क्वीन्स कॉलेज इंदूरमधून झाले.
वाचा इतर महत्वाच्या बातम्या:
महत्त्वाच्या बातम्या
