Pathan Worldwide Box office : जगभरात शाहरुखच्या 'पठाण'चा बोलबाला; चार दिवसांत 400 कोटींच्या क्लबमध्ये सामील!
Pathan Day 4 Collection : 'पठाण' हा सिनेमाने आतापर्यंत जगभरात 400 कोटींचा टप्पा पार केला आहे.
Shah Rukh Khan Pathan Worldwide Collection : बॉलिवूडचा सुपरस्टार शाहरुख खानच्या (Shah Rukh Khan) 'पठाण'ची (Pathan) क्रेझ जगभरात आहे. रिलीजच्या पहिल्या दिवशी रेकॉर्डब्रेक कमाई करणाऱ्या या सिनेमाने चार दिवसांत अनेक रेकॉर्ड आपल्या नावे केले आहेत. रिलीजच्या चौथ्या दिवशी हा सिनेमा 400 कोटींच्या क्लबमध्ये सामील झाला आहे.
जगभरात शाहरुखच्या 'पठाण'चा जलवा!
भारतीय सिनेप्रेक्षकांप्रमाणे परदेशातील शाहरुखच्या चाहत्यांची पाऊलदेखील 'पठाण' सिनेमा पाहण्यासाठी सिनेमागृहाकडे वळत आहेत. रिलीजच्या चौथ्या दिवशी परदेशात या सिनेमाने 49 कोटींची कमाई केली आहे. त्यामुळे आता या सिनेमा जगभरातील बॉक्स ऑफिसवर 400 कोटींचा टप्पा पार केला आहे. जगभरात आतापर्यंत या सिनेमाने 429 कोटींचा गल्ला जमवला आहे.
View this post on Instagram
भारतात 'पठाण'चा बोलबाला!
'पठाण' या सिनेमाने रिलीजच्या पहिल्या दिवशी ओपनिंग डेला (Opning Day) 55 कोटींची कमाई केली होती. तर दुसऱ्या दिवशी 68 कोटी, तिसऱ्या दिवशी 38 कोटी आणि चौथ्या दिवशी 50 कोटींची कमाई केली आहे. भारतात या सिनेमाने रिलीजच्या चौथ्या दिवसापर्यंत 211 कोटींची कमाई केली आहे.
शाहरुख खानचा 'पठाण' हा सिनेमा जगभरात 8000 स्क्रीन्सवर प्रदर्शित झाला आहे. या सिनेमात शाहरुखसह दीपिका पादुकोण (Deepika Padukone) आणि जॉन अब्राहमदेखील (John Abrham) मुख्य भूमिकेत आहेत. सिद्धार्थ आनंदने या सिनेमाच्या दिग्दर्शनाची धुरा सांभाळली आहे. या सिनेमाच्या माध्यमातून शाहरुखने चार वर्षांनी रुपेरी पडद्यावर कमबॅक केलं आहे.
शाहरुखचे (Shah Rukh Khan) चाहते गेल्या चार वर्षांपासून त्याच्या सिनेमाची प्रतीक्षा करत होते. आता 'पठाण'च्या माध्यमातून तो चाहत्यांच्या भेटीला आला आहे. चाहते आपल्या लाडक्या सेलिब्रिटीचा सिनेमा पुन्हा पुन्हा सिनेमागृहात जाऊन पाहत आहेत. हजारो रुपये खर्च करुन वादाच्या भोवऱ्यात अडकलेला लाडक्या सेलिब्रिटीचा सिनेमा पाहताना चाहते मात्र आनंदी आहेत. वादाच्या भोवऱ्यात अडकलेल्या या सिनेमाचे अनेक खास शो आयोजित करण्यात येत आहेत. टाळ्या, शिट्ट्या वाजवत चाहते त्यांच्या लाडक्या सेलिब्रिटीचा सिनेमा पाहत आहेत. बॉलिवूडसाठी मागचं वर्ष खास नव्हतं. पण या वर्षाच्या सुरुवातीलाच शाहरुखच्या 'पठाण'ने बॉलिवूडला सुगीचे दिवस दाखवले आहेत.
संबंधित बातम्या
Pathan : राष्ट्रपती भवनाच्या सांस्कृतिक केंद्रात शाहरुख खानच्या 'पठाण'चे स्पेशल स्क्रिनिंग; फोटो समोर
महत्त्वाच्या बातम्या
