Parineeti Chopra and Raghav Chadha Wedding : मुहूर्त ठरला! 'या' दिवशी होणार परिणीती आणि राघव चड्ढा यांचं शुभमंगल सावधान, उदयपूरमधील हॉटेल बूक
Raghav Chadha and Parineeti Chopra Wedding in Rajasthan : अभिनेत्री परिणीती चोप्रा आणि राघव चड्ढा यांचा शुभविवाह 23 आणि 24 सप्टेंबरला राजस्थानच्या उदयपूरमध्ये पार पडणार आहे.
मुंबई : बॉलिवूड अभिनेत्री परिणीती चोप्रा (Parineeti Chopra) आणि आपचे खासदार राघव चड्ढा (Raghav Chadha) यांची सध्या लगीनघाई सुरु आहे. अभिनेत्री परिणीती चोप्रा आणि राघव चड्ढा यांच्या लग्नाचा शुभमुहूर्त ठरला आहे. अभिनेत्री परिणीती चोप्रा आणि राघव चड्ढा यांचा शुभविवाह 23 आणि 24 सप्टेंबरला पार पडणार आहे. या दोघांनी डेस्टिनेशन वेडींगसाठी राजस्थानची निवड केली आहे. उदयपूरमधील आलिशान हॉटेलमध्ये लग्नाच्या विधींसाठी बुकींग करण्यात आल्याची माहिती मीडिया रिपोर्टनुसार समोर येत आहे. या दोघांच्या साखरपुड्याची बातमी समोर आल्यापासूनच चाहत्यांना त्यांच्या लग्नाची उत्सुकता लागली आहे.
23 आणि 24 सप्टेंबरला पार पडणार विवाह सोहळा
मीडिया रिपोर्टनुसार, या दोघांच्या लग्नाचे विविध कार्यक्रम आणि विधी 23 आणि 24 सप्टेंबरला पार पडणार आहेत. यासाठी उदयपूरमधील शानदार हॉटेलमध्ये बुकींग केली जात आहे.
उदयपूरमध्ये लग्नसोहळ्याच्या तयारीला सुरुवात
मीडिया रिपोर्टनुसार, परिणीती चोप्रा आणि राघव चड्ढा यांच्या लग्नासाठी उदयपूरमधील हॉटेल लीला पॅलेस (Hotel Leela Palace) आणि उदयविलास हॉटेल (Hotel Udayavilas) बुक करण्यात आलं आहे. 23 आणि 24 सप्टेंबरला या दोघांच्या लग्नासंबंधित विधी येथे पार पडतील. राघव चड्ढा आणि परिणीती चोप्रा यांचं लग्न उदयपूरमधील सितारा हॉटेलमध्ये होणार असल्याची माहिती मीडिया रिपोर्टमध्ये समोर आली आहे. उदयपूरमधील हॉटेल लीला पॅलेस आणि हॉटेल उदयविलास येथे लग्नाचे विधी पार पडतील आणि येथे पाहुण्यांच्या राहण्याची व्यवस्था करण्यात आली आहे.
23 सप्टेंबरपासून कार्यक्रमांना सुरुवात
राघव आणि परिणीतीचे लग्न 23 आणि 24 सप्टेंबरला होणार आहे. 22 तारखेपासून पाहुण्यांचं आगमन सुरु होणार असल्याचं सांगण्यात येत आहे. या लग्नसोहळ्याची तयारी खूप जोरात सुरु आहे. 23 सप्टेंबरपासून मेहंदी, हळदी आणि संगीताचे कार्यक्रम सुरु होतील. परिणीती आणि राघव यांचा 13 मे रोजी दिल्लीत साखरपुडा झाला होता आणि आता त्यांचं लग्न होणार आहे. या लग्नाला राजकारणी आणि अनेक सेलिब्रिटी हजेरी लावणार आहेत.
महत्त्वाच्या बातम्या
