Ole Aale : 'ओले आले' प्रेक्षकांच्या भेटीसाठी सज्ज! सायली संजीव अन् सिद्धार्थ चांदेकरचं हृदयाला भिडणारं गाणं आऊट

Ole Aale : 'ओले आले' या आगामी मराठी सिनेमातील 'फुलपाखरू' हे पहिलं गाणं आता प्रेक्षकांच्या भेटीला आलं आहे.

Sayali Sanjeev Siddharth Chandekar

Ole Aale Marathi Movie First Song Out : 'ओले आले' (Ole Aale) हा सिनेमा लवकरच प्रेक्षकांच्या भेटीला येणार आहे. तगडी स्टारकास्ट असलेल्या या सिनेमाची प्रेक्षकांना उत्सुकता आहे. आता या सिनेमातील पहिलं गाणं प्रेक्षकांच्या भेटीला आलं आहे. 'फुलपाखरू' (Phulpakharu) असे या गाण्याचे नाव आहे. सायली संजीव (Sayali Sanjeev) आणि सिद्धार्थ चांदेकरचं (Siddharth Chandekar) हे हृदयाला भिडणारं गाणं आहे. 

सायली आणि सिद्धार्थच्या मनातले 'फुलपाखरू'

'सांग ना मनाला माझ्या कसं सावरू' म्हणणारी चुलबुली सायली संजीव आणि मराठी चित्रपटसृष्टीतला चॉकलेट बॉय सिद्धार्थ चांदेकर यांची गोड जोडी सध्या सर्वत्र चर्चेत आहे. निसर्गाच्या कुशीत मनमुराद आनंद लुटत, एका सुंदर प्रवासात सायली आणि सिद्धार्थ प्रेमात पडताना दिसत आहेत. काय बरं नेमकं चाललं असेल?

 

 

 

 

 

View this post on Instagram

 

 

 

 

 

 

 

 

 

 

 

A post shared by Coconut Motion Pictures (@coconutmotionpictures)

'ओले आले' या आगामी सिनेमात सायली आणि सिद्धार्थ ही युथफुल जोडी आपल्याला मोठ्या पडद्यावर दिसणार आहे. दोन विरुद्ध स्वभावधर्माच्या तरीही एकमेकांच्या प्रेमात असणाऱ्या या जोडीचा धम्माल प्रवास प्रेक्षकांना 5 जानेवारी 2024 पासून सिनेमागृहात पाहायला मिळणार आहे.

तगड्या कलाकारांच्या अभिनयाची जुगलबंदी असलेला 'ओले आले'

'एक अशा प्रवासाची गोष्ट, ज्याने शिकवले जीवन जगण्याचे सूत्र!' अशी टॅगलाईन असलेल्या या सिनेमाच्या माध्यमातून अभिनेते नाना पाटेकर (Nana Patekar) आपल्या भेटीला येणार आहेत. संपूर्ण परिवारासाठी निखळ मनोरंजन हा या चित्रपटाचा गाभा असून नानांसोबत (Nana Patekar) मकरंद अनासपुरे (Makarand Anaspure), सायली संजीव (Sayali Sanjeev) आणि सिद्धार्थ चांदेकर (Siddharth Chandekar) या कलाकारांच्या अभिनयाची जुगलबंदी आपल्याला पाहायला मिळेल. 

बॉलिवूडलाही मराठी सिनेसृष्टीची भुरळ

बॉलीवूडमधील प्रसिद्ध संगीतकार जोडी सचिन-जिगर यांच्या संगीताची जादू आता मराठीतही ऐकायला मिळणार असून 'ओले आले' या मराठी चित्रपटाद्वारा ते प्रथमच मराठी प्रेक्षकांच्या मनावर गरुड घालायला सज्ज आहेत. मंदार चोळकर यांनी लिहिलेल्या या गाण्याला रोहित राऊत यांचा स्वरसाज लाभला आहे. 'ओले आले'चं मोशन पोस्टर रिलीज झाल्यापासून प्रेक्षक या सिनेमाची प्रतीक्षा करत आहेत.

संबंधित बातम्या