Bollywood : स्टारकिडला सिनेमात घेतल्यानंतर दिग्दर्शकाचं नशीबच फळफळलं, लेकीसाठी अभिनेत्याने थेट बंगलाच गिफ्ट केला
Bollywood : कास्टिंग दिग्दर्शक मुकेश छाबराने नुकतच सुनील शेट्टीचा एक अनुभव शेअर केला आहे. सध्या त्याची बरीच चर्चा सुरु आहे.
Bollywood : स्टारकिड्सना सिनेमात कास्ट करणं, तसेच त्यांना सिनेमात काम मिळवून देणयासाठी अभिनेत्यांनी घेतलेल्या कष्टांची बऱ्याचदा चर्चा होत असते. स्वत:च्या मुलांसाठी अनेकदा हे अभिनेते सिनेमांची निर्मिती देखील करतात. त्यातच आता कास्टिंग दिग्दर्शक मुकेश छाबराने देखील असाच एक स्टारकीडचा अनुभव सांगितला आहे. अथिया शेट्टी (Athiya Shetty) आणि सुनील शेट्टी (Suniel Shetty) यांच्यासोबतचा एक प्रसंग मुकेश छाबराने सांगितला आहे.
मुकेशने नुकतीच भारती टिव्हीला दिलेल्या मुलाखतीमध्ये याविषयी भाष्य केलं आहे. अथियाला सिनेमात कास्ट केल्यानंतर सुनील शेट्टीने त्याच्या ऑफिससाठी त्याचा बंगलाच गिफ्ट केला होता. त्यामुळे स्टारकिडला कास्ट केल्यानंतर या दिग्दर्शकाचं नशीबच फळफळलं असल्याचं म्हटलं जातंय.
मुकेश छाबराने सांगितला अनुभव
भारती टिव्हीला दिलेल्या मुलाखतीमध्ये त्याने म्हटलं की,माझ्याकडे स्वत:च्या ऑफिससाठी जागा नव्हती. त्यानंतर जेव्हा मी कास्टिंग डिरेक्टर म्हणून उभा राहू लागलो, तेव्हा सुनील शेट्टी जो मुंबईतला सगळ्यात चांगला अभिनेता आहे, त्याने मदत केली. त्यांनी मला त्यांचा आराम नगर येथील 160 हा बंगला दिला. त्याचवेळी मी त्यांच्या मुलीचा हिरो या सिनेमासाठी काम करत होते. अथिया त्यामध्ये होती. त्यांनी माझं काम पाहिलं. माझं ऑफिस बघून त्यांनी म्हटलं की, अरे तू एवढुश्या ऑफिसमध्ये काम करतोस,माझा बंगला आहे 160 तो तू घेऊन टाक.
पुढे त्याने म्हटलं की, ही गोष्टी माझ्यासाठी खूप खास होती. त्यांनी मला म्हटलं की, तो रिकामाच आहे, तिथे तू तुझं काम सुरु कर. त्यांनी मला माझं ऑफिस दिलं. तो माणूस काय करतो हे तो कधीच कुणाला सांगत नाही. त्याने मला त्याचा संपूर्ण बंगला दिला. मला सांगितलं की भाड्याचं आपण नंतर बघू, तू माझ्या मुलीसाठी एवढं केलं आहेस, त्यामुळे तू कसलाच विचार करु नकोस.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
