Marathi Star : आघाडीच्या ब्रॅंडच्या जाहिरातीत ललित प्रभाकर आणि वैभव पंडित झळकणार

Marathi Star : ललित मुख्य भूमिकेत असून वैभव पंडितने या जाहिरातीच्या दिग्दर्शनाची धुरा सांभाळली आहे.

lalit

Marathi Star : आघाडीच्या ब्रॅंडच्या जाहिरातीत ललित प्रभाकर (Lalit Prabhakar) आणि वैभव पंडितची (vaibhav pandit) झळकणार आहे. या जाहिरातीच्या माध्यमातून ललित प्रभाकर आणि वैभव पंडितची जोडी पहिल्यांदाच एकत्र दिसणार आहे. या जाहिरातीत ललित मुख्य भूमिकेत असून वैभव पंडितने या जाहिरातीच्या दिग्दर्शनाची धुरा सांभाळली आहे.  

राष्ट्रीय पुरस्कार विजेता अभिनेता ललित प्रभाकरने 'आनंदी गोपाळ', 'हंपी' आणि 'स्माईल प्लीज' सारख्या चित्रपटाद्वारे प्रेक्षकांची मने जिंकली आहेत. 'एक उगवता स्टार' अशी ओळख असलेल्या ललितने नाटक, मालिका, वेब सीरिज आणि सिनेमा अशा विविध प्लॅटफॉर्मवर विविधांगी भूमिका साकारल्या आहेत. लवकरच तो जाहिरातीच्या माध्यमातून प्रेक्षकांच्या भेटीला येणार आहे. 

जाहिरातीच्या अनुभवाविषयी ललित म्हणाला,"माझा चित्रपट असो, नाटक असो किंवा वेब सीरिज असो, मी माझे 100% देतो. शूटिंग करतानाचा माझा अनुभव खूप अनोखा होता. व्यस्त वेळापत्रक, मोठा क्रू, पूर्णपणे व्यावसायिक लोक. आम्ही कुठेही तडजोड केलेली नाही,आम्ही आमचे 100% दिले आहेत."

दिग्दर्शक वैभव पंडित म्हणाले,"ललितसोबत चित्रीकरण करण्याचा अनुभव खूप मनोरंजक होता.  जरी तो मराठी इंडस्ट्रीतील एक मोठा स्टार असला तरी, तो त्याच्या विनोदी वन-लाइनरसह संपूर्ण क्रू ला खूप हसवत होता. तो एक सामान्य माणूस आहे परंतु काम करताना तेवढाच मेहनती आणि व्यावसायिक आहे".

ललितने आगामी प्रोजेक्ट
ललित मीडियम स्पायसी, झोम्बिवली, कलरफूल आणि तारी हे ललितचे आगामी प्रोजेक्ट आहेत. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha