RRR Movie Posponed : आरआरआर सिनेमाला कोरोनाचा फटका, रिलीज डेट ढकलली पुढे

RRR Movie Posponed : बहुचर्चित 'आरआरआर' (RRR) सिनेमाची प्रेक्षक प्रतीक्षा करत होते. पण आता सिनेमाची रिलीज डेट पुढे ढकलण्यात आली आहे.

rrr

RRR Movie Posponed : बहुचर्चित 'आरआरआर' (RRR) सिनेमाची प्रेक्षक गेली अनेक दिवस प्रतीक्षा करत आहेत. एसएस राजामौलींची आगामी 'आरआरआर' सिनेमा 7 जानेवारी 2022 रोजी प्रदर्शित होणार होता. पण कोरोनाचा प्रादुर्भाव वाढत असल्याने सिनेमाची रिलीज डेट पुढे ढकलण्यात आली आहे. 

'आरआरआर' सिनेमाच्या निर्मात्यांनी  ट्विटरवर एक पोस्ट शेअर करत यासंदर्भात माहिती दिली आहे. ट्वीट शेअर करत त्यांनी लिहिले आहे,"प्रेक्षकांच्या आरोग्याच्या दृष्टीने आम्ही सिनेमाची रिलीज डेट पुढे ढकलली आहे". सिनेमा नेमका कधी रिलीज होईल, याबाबत अद्याप कोणतीही माहिती समोर आलेली नाही. पण लवकरच याबाबत सिनेमाचे निर्माते माहिती देतील असं सांगण्यात येत आहे.

Keeping the best interests of all the involved parties in mind, we are forced to postpone our film. Our sincere thanks to all the fans and audience for their unconditional love. #RRRPostponed #RRRMovie pic.twitter.com/JlYsgNwpUO

— RRR Movie (@RRRMovie) January 1, 2022

अनेक लोकप्रिय कलाकार या सिनेमात प्रमुख भूमिकेत दिसणार आहेत. सिनेमात अजय देवगण (Ajay Devgn), आलिया भट्ट (Alia Bhatt),  ज्यूनियर एनटीआर (Jr NTR) आणि राम चरण (Ram Charan) या कालाकारांनी प्रमुख भूमिका साकारली आहे.  एसएस राजामौली यांनी या चित्रपटाचे दिग्दर्शन केले आहे. बाहुबली नंतर एसएस राजामौली यांचा 'आरआरआर' हा मल्टि स्टारर चित्रपट पाहण्यासाठी प्रेक्षक उत्सुक आहेत. हा सिनेमा जवळपास 10 भाषांमध्ये प्रदर्शित केला जाणार आहे.  आरआरआर चित्रपटातील 'नाचो नाचो' आणि 'जननी' या गाण्यांना सध्या प्रेक्षकांची पसंती मिळत आहे. 

कोरोनामुळे '83' सिनेमा बॉक्स ऑफिसवर धुमाकूळ घालू शकला नाही. दरम्यान जर्सी सिनेमाच्या प्रदर्शनाची तारीख पुढे ढकलण्यात आली. अशातच 7 जानेवारी 2022 ला प्रदर्शित होणाऱ्या RRR चित्रपटाची रिलीज डेट पुढे ढकलण्यात आली आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha