Main Atal Hoon : 'मैं अटल हूँ'चं शूटिंग पूर्ण; पंकज त्रिपाठी पोस्ट शेअर करत म्हणाले,"अटल'चा प्रवास..."
Main Atal Hoon : 'मैं अटल हूँ' या सिनेमाचं शूटिंग आता पूर्ण झालं आहे.
Main Atal Hoon : 'मैं अटल हूँ' (Main Atal Hoon) हा बहुचर्चित सिनेमा लवकरच प्रेक्षकांच्या भेटीला येणार आहे. अभिनेते पंकज त्रिपाठी (Pankaj Tripathi) या सिनेमात अटल बिहारी वाजपेयी (Atal Bihari Vajpayee) यांच्या भूमिकेत दिसणार आहे. आता या सिनेमाचं शूटिंग पूर्ण झालं आहे.
पंकज त्रिपाठी यांनी 'मैं अटल हूँ'च्या शूटिंगदरम्यानचा एक व्हिडीओ सोशल मीडियावर शेअर केला आहे. मुंबई, दिल्ली, कानपूर आणि लखनौमध्ये गेल्या 45 दिवसांपासून या सिनेमाचं शूटिंग होत होतं. 'मैं अटल हँ' हा सिनेमा दिवंगत पंतप्रधान अटल बिहारी बाजपेयी यांच्या आयुष्यावर आधारित आहे.
मराठमोठ्या रवी जाधवने (Ravi Jadhav) 'मैं अटल हूँ' या सिनेमाच्या दिग्दर्शनाची धुरा सांभाळली आहे. आता शूटिंगदरम्यानचा व्हिडीओ शेअर करत पंकज त्रिपाठीने लिहिलं आहे,"अटल'चा प्रवास कायम स्मरणात राहील. अटल बिहारी वाजपेयीसारख्या महान व्यक्तिमत्त्वाला रुपेरी पडद्यावर साकारताना मी स्वतःला भाग्यवान समजतो".
View this post on Instagram
'मैं अटल हूँ' कधी होणार रिलीज? (Main Atal Hoon Released Date)
'मैं अटल हूँ' हा सिनेमा अटल बिहारी वाजपेयी यांच्या जयंतीदिनी म्हणजेच 25 डिसेंबरला प्रेक्षकांच्या भेटीला येणार आहे. या सिनेमाची सिनेप्रेमी आतुरतेने वाट पाहत आहेत. 'मैं अटल हूँ' हा सिनेमा 'द अनटोल्ड वाजपेयी: पॉलिटिशन अॅण्ड पॅराडॉक्स' या पुस्तकावर आधारित हा सिनेमा आहे.
पंकज त्रिपाठी एक अभ्यासू अभिनेता आहे. आपल्या प्रत्येक भूमिकेत नाविण्य आणण्याचा ते प्रयत्न करत असतात. आता अटलजींच्या भूमिकेत त्यांना पाहण्यासाठी चाहते उत्सुक आहेत. हा सिनेमा हिंदी आणि इंग्रजी भाषेत प्रदर्शित होणार आहे. या सिनेमाची चाहते आतुरतेने वाट पाहत आहेत. अटल बिहारी वाजपेयी यांच्या बायोपिकमधला पंकज त्रिपाठींचा लूक प्रेक्षकांच्या पसंतीस उतरला आहे.
अटल बिहारी वाजपेयी यांच्या जयंतीनिमित्त 'मैं अटल हूँ' या सिनेमाची पहिली झलक प्रेक्षकांच्या भेटीला आली होती. अटल बिहारी वाजपेयी यांच्या राजकारणी, पंतप्रधान, कवी अशा अनेक बाजू या मोशन पोस्टरच्या माध्यमातून उलगडण्यात आल्या होत्या. या सिनेमासाठी पंकज त्रिपाठी खूप मेहनत घेत आहेत.
संबंधित बातम्या
Main Atal Hoon: रवी जाधव उलघडणार वाजपेयींचा जीवनप्रवास, पंकज त्रिपाठींची 'अटल' भूमिका
महत्त्वाच्या बातम्या
