Madhuri Dixit: जेव्हा माधुरीला सलमान-संजयसोबत 'साजन' न करण्याचा दिला होता इशारा, अभिनेत्रीने केला धक्कादायक खुलासा
Madhuri Dixit: माधुरी दीक्षित, सलमान खान आणि संजय दत्तचा 'साजन' हा चित्रपट ब्लॉकबस्टर ठरला होता. पण तुम्हाला माहीत आहे का की, अभिनेत्रीला हा चित्रपट न करण्याचा इशारा देण्यात आला होता.
Madhuri Dixit On Saajan: माधुरी दीक्षित (Madhuri Dixit) ही बॉलिवूडची टॉप अभिनेत्री आहे. या अभिनेत्रीने 1990 च्या दशकात तिच्या दमदार अभिनयाने आणि चमकदार नृत्याने बॉलिवूडवर राज्य केलं. माधुरीला मोठ्या पडद्यावर पाहण्यासाठी चाहते आजही उत्सुक असतात. माधुरीने तिच्या करिअरमध्ये अनेक ब्लॉकबस्टर चित्रपट दिले आहेत. त्याचा संजय दत्त (Sanjay Dutt) आणि सलमान खानसोबतचा (Salman Khan) 'साजन' हा चित्रपटही सुपर-डुपर हिट ठरला होता. पण तुम्हाला माहीत आहे का की, अभिनेत्रीला हा चित्रपट न करण्याचा इशारा देण्यात आला होता.
माधुरी दीक्षितचा संजय दत्त आणि सलमान खानसोबतचा 1991 मध्ये साजन चित्रपट बॉक्स ऑफिसवर ब्लॉकबस्टर ठरला होता. पिंकविलाला नुकत्याच दिलेल्या मुलाखतीत, माधुरीने खुलासा केला की तिला चित्रपट न करण्याचा सल्ला देण्यात आला होता. कारण असं म्हटलं जात होतं की, संजय दत्तला अपंग व्यक्तीच्या भूमिकेत पाहणं आवडणार नाही.
माधुरीने साजन करण्यच्या निर्णयावर उपस्थित केले होते प्रश्न
माधुरीने म्हटलं की, माधुरीने हा चित्रपट करण्याच्या निर्णयावर बरेच प्रश्न उपस्थित केले होते. हम आपके हैं कौन या सिनेमामुळे माधुरीची एक वेगळी प्रतिमा तयार झाली होती. जेव्हा तिने संजय दत्तसोबत एक रोमँटीक सिनेमा साईन केला तेव्हाच ती इंडस्ट्रीमध्ये चांगली स्थिरावली होती. माधुरीने म्हटलं की, हा साजन सिनेमा खूप चांगला आहे. त्या सिनेमातील गाणी खूप सुंदर आहेत. मला आठवतंय जेव्हा मी तो सिनेमा साईन केला होता तेव्हा मला अनेकांनी सांगितलं, तू हा सिनेमा का करतेस? हा सिनेमा चालणार नाही..
संजय दत्तच्या भूमिकेमुळे सिनेमा न करण्याचा इशारा
संजय दत्तच्या भूमिकेमुळे माधुरीला हा सिनेमा न करण्याचा इशारा दिला जात होता. माधुरीने खुलासा केला की, लोकांचं म्हणणं होतं की, संजय दत्त एक अॅक्शन स्टार आहे.. त्याला असं दाखवण्यात आलंय. तो एक दिव्यांग असणार असं कसं होऊ शकतं? हा सिनेमा चालणारच नाही. पण जेव्हा हा सिनेमा तयार झाला त्यानंतर त्याने इतिहास रचला.
1991 मध्ये सर्वाधिक कमाई करणारा चित्रपट होता 'साजन'
या चित्रपटाबद्दल लोक साशंक होते. पण सिनेमा रिलीज झाल्यावर त्याने विक्रमी कमाई केली.प्रेक्षकांना ही कथा आवडली आणि त्यातील गाणीही प्रेक्षकांच्या पसंतीस उतरली.1991 मधील सर्वाधिक कमाई करणारा चित्रपट म्हणून रेकॉर्ड केलेल्या, या रोमँटिक सिनेमाने सलमान, संजय आणि माधुरी यांच्या कारकिर्दीतील यशात महत्त्वपूर्ण योगदान दिले आहे.
ही बातमी वाचा :
महत्त्वाच्या बातम्या
