![ABP Premium](https://cdn.abplive.com/imagebank/Premium-ad-Icon.png)
Chintan Upadhyay : कलाकार चिंतन उपाध्यायसह तिघांना जन्मठेप; दिंडोशी सत्र न्यायाल्याने सुनावली शिक्षा
Chintan Upadhyay : कलाकार चिंतन उपाध्यायसह तिघांना जन्मठेपेची शिक्षा सुनावण्यात आली आहे.
![Chintan Upadhyay : कलाकार चिंतन उपाध्यायसह तिघांना जन्मठेप; दिंडोशी सत्र न्यायाल्याने सुनावली शिक्षा Life imprisonment for three including artist Chintan Upadhyay Dindoshi Sessions Court pronounced sentence Chintan Upadhyay Crime Mumbai hema upadhyay harish bhambani hema upadhyay harish bhambani murder case Chintan Upadhyay : कलाकार चिंतन उपाध्यायसह तिघांना जन्मठेप; दिंडोशी सत्र न्यायाल्याने सुनावली शिक्षा](https://feeds.abplive.com/onecms/images/uploaded-images/2023/10/10/b442c4976d3415b2071c8bde38c3557d1696926740227254_original.jpeg?impolicy=abp_cdn&imwidth=1200&height=675)
Chintan Upadhyay : कलाकार चिंतन उपाध्यायसह (Chintan Upadhyay) तिघांना जन्मठेपाची शिक्षा सुनावण्यात आली आहे. साल 2015 च्या दुहेरी हत्याकांडात कलाकार चिंतन उपाध्याय आणि इतर तिघांना जन्मठेपेची शिक्षा सुनावण्यात आली आहे. दिंडोशी सत्र न्यायाल्याने ही शिक्षा सुनावली आहे.
कलाकार हेमा उपाध्याय आणि त्यांचे वकील हरीश भंबानी हत्या प्रकरणी 2015 च्या दुहेरी हत्याकांडमध्ये कलाकार चिंतन उपाध्यायला जन्मठेपेची शिक्षा सुनावण्यात आली आहे. चिंतनसह इतर तिघांनाही जन्मठेपेची शिक्षा सुनावण्यात आली आहे. दिंडोशी सत्र न्यायाल्याने ही शिक्षा सुनावली आहे. चिंतन उपाध्यय हा हेमा उपाध्याय यांचा पती होता. हेमा उपाध्याय आणि त्यांचे वकील हरीश भंबानी या दोघांचीही 2015 मध्ये हत्या झाली होती. चिंतन उपाध्यय यांनी काही जनांच्या मदतीने ही हत्या घडवून आणली होती असं तपासामध्ये उघड झालं होतं. अखेर आज शिक्षेची सुनावणी झाली आहे.
पत्नी आणि तिच्या वकिलाच्या हत्येची सुपारी देणारा चिंतन उपाध्याय हत्येच्या आरोपात दोषी ठरवण्यात आला. साल 2015 च्या दुहेरी हत्याकांड प्रकरणी दिंडोशी सत्र न्यायालयाचा निकाल लागला असून यात चिंतन उपाध्यायसह प्रदीप राजभर, शिवकुमार राजभर आणि विजय राजभरवर हत्या आणि मृतदेहाची विल्हेवाट लावल्याचा आरोप सिद्ध झाला आहे. सरकारी वकिलांकडून सर्व आरोपींकरता फाशीच्या शिक्षेची मागणी करण्यात आली असून यावर आता सुनावणी पार पडली आहे. कलाकार चिंतन उपाध्यायसह तिघांना जन्मठेपेची शिक्षा सुनावण्यात आली आहे.
नेमकं प्रकरण काय?
एक आंतरराष्ट्रीय दर्जाचा चित्रकार असलेला चिंतन हा 'मांडणी शिल्पकार' (इन्स्टॉलेशन आर्टिस्ट) हेमा उपाध्याय यांचा पती होता. या दोघांच्या घटस्फोटाचं प्रकरण मुंबई उच्च न्यायालयात सुरू असतानाच हेमा व त्यांचे वकील हरीष भंबानी यांची 11 डिसेंबर 2015 रोजी निर्घृणपणे हत्या करण्यात आली होती. या दोघांचे मृतदेह टेपमध्ये गुंडाळून खोक्यांमध्ये भरलेल्या अवस्थेत दुसऱ्या दिवशी कांदिवलीमधील डाहाणूकरवाडी परिसरातील नाल्यात सापडल्यानंतर दुहेरी हत्याकांडाचा हा प्रकार उघडकीस आला होता.
चिंतनने आपला कारागिर विद्याधर राजभर व त्याच्या अन्य सहकाऱ्यांना या दोघांच्या हत्येची सुपारी दिल्याच्या आरोपाखाली चिंतनला अटक झाली होती. मुंबई सत्र न्यायालय आणि हायकोर्टानं जामीन नाकारल्यानंतर अखेर साल 2021 मध्ये चिंतनला जामीन मंजूर केला. तर या हत्याकांडातील मुख्य मारेकरी विद्याधर राजभर हा अद्याप फरार आहे. एक कुशल कारागिर असलेला विद्याधर हा नेपाळमार्गे परदेशात पसार झाल्याचा पोलिसांना संशय आहे.
संबंधित बातम्या
Chintan Upadhyay : हेमा उपाध्यय आणि वकिलाच्या हत्येतील दोषी चिंतन उपाध्यायला फाशी द्या; सरकारी वकिलांची मागणी
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)