![ABP Premium](https://cdn.abplive.com/imagebank/Premium-ad-Icon.png)
Leonardo Dicaprio : हॉलिवूड सुपरस्टार लियोनार्डो डिकॅप्रियो 'या' भारतीय मॉडेलच्या पडलाय प्रेमात? चर्चेला उधाण
Leonardo Dicaprio : हॉलिवूड सुपरस्टार लियोनार्डो डिकॅप्रियो सध्या नीलम गिल या मॉडेलला डेट करत असल्याची चर्चा आहे.
![Leonardo Dicaprio : हॉलिवूड सुपरस्टार लियोनार्डो डिकॅप्रियो 'या' भारतीय मॉडेलच्या पडलाय प्रेमात? चर्चेला उधाण Leonardo DiCaprio Hollywood superstar dating rumours with Indian origin model Neelam Gill Leonardo Dicaprio : हॉलिवूड सुपरस्टार लियोनार्डो डिकॅप्रियो 'या' भारतीय मॉडेलच्या पडलाय प्रेमात? चर्चेला उधाण](https://feeds.abplive.com/onecms/images/uploaded-images/2023/06/03/e24b7195517a7b1338869602d2e9e4d11685782855281254_original.jpg?impolicy=abp_cdn&imwidth=1200&height=675)
Leonardo Dicaprio : हॉलिवूड सुपरस्टार लियोनार्डो डिकॅप्रियो (Leonardo Dicaprio) सध्या सिनेमांपेक्षा वैयक्तिक आयुष्यामुळे चर्चेत आहे. आता तो एका भारतीय मॉडेलला डेट करत असल्याची चर्चा सोशल मीडियावर रंगली आहे. नीलम गिल (Neelam Gill) असे या मॉडेलचे नाव आहे.
48 वर्षीय लियोनार्डोचं नाव 28 वर्षीय नीलम गिलसोबत जोडलं जात आहे. लंडनमधील चिल्टन फायरहाऊसमध्ये दोघांना स्पॉट करण्यात आलं आहे. त्यावेळी नीलम गिलची आईदेखील त्यांच्यासोबत होती. गेल्या काही दिवसांपूर्वीच लियानोर्डो आणि नीलम गिल 'कान्स फिल्म फेस्टिव्हल 2023'मध्ये एकत्र दिसले होते.
लियोनार्डोची गर्लफ्रेंड नीलम गिल कोण आहे? (Who Is Neelam Gill)
नीलम गिल ही ब्रिटिश पंजाबी मॉडेल आहे. सोशल मीडियावर तिचा मोठा चाहतावर्ग आहे. सोशल मीडियावर वेगवेगळे फोटो शेअर करत नीलम चाहत्यांच्या संपर्कात राहण्याचा प्रयत्न करत असते. निलमचा जन्म 27 एप्रिल 1995 रोजी लंडनमध्ये झाला आहे. 2014 पर्यंत ती लंडनमध्ये होती.
नीलम गिलचं युट्यूब चॅनलदेखील आहे. नैराश्य, सकारात्मकता अशा वेगवेगळ्या विषयांवर ती भाष्य करत असते. 2013 साली नीलमने लंडन फॅशन वीकच्या माध्यमातून आपल्या करिअरची सुरुवात केली. नीलम गिल एक उत्कृष्ट मॉडेल आहे. मॉडेलिंगच्या क्षेत्रात तिने उत्तम कामगिरी केली आहे.
View this post on Instagram
लियोनार्डोचं (Leonardo DiCaprio) नाव आजवर अनेक अभिनेत्रींसोबत जोडलं गेलं आहे. कॅमिला मोरोनला तो डेट करत होता. त्यानंतर सुपरमॉडेल गिगी हदीदसोबत तो रिलेशनमध्ये असल्याची चर्चा रंगली. आता तो भारतीय मॉडेल नीलम गिलला डेट करत असल्याचं म्हटलं जात आहे.
लियोनार्डोच्या डेटिंगच्या चर्चा
लियोनार्डो आणि मोरोन चार वर्षे एकमेकांना डेट करत होते. पण पुढे त्यांचं नातं फार काळ टिकलं नाही आणि त्यांनी वेगळं होण्याचा निर्णय घेतला. त्यानंतर लियोनार्डो गिगी हदीदला डेट करू लागला. त्यानंतर टायटॅनिक अभिनेता 19 वर्षीय मॉडेल एडेन पोलानीला डेट करू लागला. लियोनार्डो आज एक उत्कृष्ट अभिनेता आहे. 'टायटॅनिक' या सिनेमामुळे त्याला जगभरात लोकप्रियता मिळाली आहे. 'शटर आयलॅंड' हा त्याचा सिनेमा चांगलाच लोकप्रिय झाला होता. लियोनार्डो आणि नीलमचे फोटो आता व्हायरल होत आहेत.
संबंधित बातम्या
लंडनच्या रेस्टॉरंटमध्ये लिओनार्डो डि कॅप्रिओसोबत दिसल्या नताशा पूनावाला, सोशल मीडियावर रंगल्या चर्चा
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)