Leena Chandavarkar : वर्षभरात पहिल्या पतीचे निधन, किशोर कुमार यांच्यासोबत थाटला दुसरा संसार! वाचा अभिनेत्री लीना चंदावरकर यांच्याबद्दल

जाणून घेऊयात अभिनेत्री लीना चंदावरकर (Leena Chandavarkar) यांच्याबद्दल...

Leena Chandavarkar

Leena Chandavarkar Birthday : 70-80 च्या दशकातील अभिनेत्री लीना चंदावरकर (Leena Chandavarkar) या त्यांच्या वैयक्तिक आयुष्यामुळे चर्चेत होत्या. 29 ऑगस्ट 1950 रोजी कर्नाटकातील धारवाड येथील एका मध्यमवर्गीय कुटुंबात लीना चंदावरकर यांचा जन्म झाला. लीना यांनी अनेक चित्रपटांमध्ये काम केले असले तरी,  त्यांच्या वैयक्तिक जीवनातील घटनांमुळे त्यांना करिअरच्या आघाडीवर असताना करिअरकडे हवे तसे लक्ष केंद्रित करता आले नाही. सुनील दत्त यांनी दिग्दर्शित केलेल्या 1968 मध्ये रिलीज झालेल्या मन का मीत या चित्रपटातून लीना यांनी पदार्पण केले. अनेक हिट चित्रपटांमध्ये लीना यांनी काम केले होते. जाणून घेऊयात लीना चंदावरकर यांच्याबद्दल...

लग्नाच्या एक वर्षानंतर पहिल्या पतीचे निधन

लीना यांचे पहिले लग्न सिद्धार्थ बांदोडकर यांच्यासोबत झाले होते, जे गोव्यातील एका राजकीय कुटुंबातील सदस्य होते. लग्नाच्या अवघ्या एक वर्षानंतर सिद्धार्थ यांचा एका अपघातात मृत्यू झाला. त्यावेळी लीना या अवघ्या  25 वर्षांच्या होत्या. 

किशोर कुमार यांच्यासोबत केलं दुसरं लग्न

त्यानंतर लीना यांच्या आयुष्यात किशोर कुमार यांची एन्ट्री झाली.  किशोर आणि लीना यांच्या नात्याचा लीना यांचे कुटुंब विरोध करत होते. कारण किशोर कुमार आणि लीना यांच्या वयात बरेच अंतर होते. तसेच किशोर यांनी आधी तीन वेळा लग्न केले होते. 1980 मध्ये  लीना आणि किशोर कुमार यांचे लग्न झाले आणि लग्नाच्या काही वर्षानंतर 1987 मध्ये किशोर कुमार यांचेही निधन झाले. तेव्हा लीना या 37 वर्षांच्या होत्या. 

लीना यांनी हिट चित्रपटांमध्ये केले काम  

 लीना या सध्या त्यांच्या सुमित आणि अमित या मुलांसोबत मुंबईत राहतात. जालिम, डाकू और जवान, नालायक, आफत, जग्गू, एक कुंवारी एक कुंवारा,हमजोली, जवाब यांसारख्या चित्रपटात लीना यांनी काम केलं. 

वाचा इतर महत्त्वाच्या बातम्या: