Laal Singh Chaddha OTT Release : आमिर-करीनाचा 'लाल सिंह चड्ढा' ओटीटीवर होणार रिलीज; 'फॉरेस्ट गंप'चा हिंदी रिमेक

Aamir Khan Film : आमिर खानचा 'लाल सिंह चड्ढा' 11 ऑगस्टला प्रेक्षकांच्या भेटीला येणार आहे.

Laal Singh Chaddha

Laal Singh Chaddha OTT Release : बॉलिवूड अभिनेता आमिर खानचा (Aami Khan) 'लाल सिंह चड्ढा' (Laal Singh Chaddha) हा सिनेमा 11 ऑगस्टला प्रेक्षकांच्या भेटीला येणार आहे. तर ऑक्टोबर महिन्यात हा सिनेमा ओटीटी प्लॅटफॉर्मवर रिलीज होणार आहे. हा हॉलिवूडच्या 'फॉरेस्ट गंप'चा हिंदी रिमेक आहे. 

रिलीज डेट खास

आमिर खानने सिनेमाच्या प्रदर्शनाची तारीख खूप विचारपूर्वक निवडली आहे. 'लाल सिंह चड्ढा' हा सिनेमा 11 ऑगस्टला प्रदर्शित होणार आहे. 11 ऑगस्ट दरम्यान सलग सुट्ट्या असल्यामुळे या सिनेमाला प्रेक्षकांची तुफान गर्दी होणार आहे. तसेच सिनेमागृहाबाहेर हाऊसफुल्लचा बोर्डदेखील झळकेल, अशी शक्यता वर्तवली जात आहे. 

आमिर खान आणि करीना कपूरची जोडी

आमिर खान आणि करीना कपूर याआधी '3 इडियट्स' या सिनेमात एकत्र दिसले होते. आमिर आणि करीनाची जोडी चाहत्यांच्या पसंतीस उतरली होती. आता 'लाल सिंह चड्ढा' सिनेमात पुन्हा एकदा प्रेक्षकांना ही जोडी पाहायला मिळणार आहे. चाहते या जोडीवर प्रेमाचा वर्षाव करताना दिसणार आहेत. 

आमिरची सिनेमा निवड उत्तम

'ठग्स ऑफ हिंदुस्तान' हा सिनेमा बॉक्स ऑफिसवर फ्लॉप झाल्यामुळे आमिर निराश झाला होता. त्यामुळे आमिरने नवीन कथानक असलेला सिनेमा निवडण्यापेक्षा रिमेकचा पर्याय निवडला. 'लाल सिंह चड्ढा' हा हॉलिवूडच्या सुपरहिट 'फॉरेस्ट गंप'चा हिंदी रिमेक आहे. 

संबंधित बातम्या