Koffee With Karan 8: जान्हवी कपूरनं माजी मुख्यमंत्र्यांच्या नातवाचं नाव का घेतलं? करणच्या शोमध्ये काय-काय बोलली जान्हवी?
Koffee With Karan 8: कॉफी विथ करणच्या आगामी एपिसोडचा प्रोमो नुकताच करण जोहरनं (Karan Johar) सोशल मीडियावर शेअर केला आहे. या प्रोमोनं अनेकांचे लक्ष वेधले आहे.
Koffee With Karan 8: करण जोहरच्या (Karan Johar) कॉफी विथ करण (Koffee With Karan 8) या कार्यक्रमाचा आठवा सीझन सध्या प्रेक्षकांच्या भेटीला येत आहे. आत्तापर्यंत अनेक कलाकार या शोमध्ये आले आहेत. या कलाकारांनी या शोमध्ये त्यांच्या वैयक्तिक आयुष्याबद्दल तसेच त्यांच्या चित्रपटांमध्ये चर्चा केली. आता या कार्यक्रमाच्या आगामी एपिसोडमध्ये जान्हवी कपूर (Janhvi Kapoor) आणि खुशी कपूर (Khushi Kapoor) हे हजेरी लावणार आहेत. कॉफी विथ करणच्या आगामी एपिसोडचा प्रोमो नुकताच करण जोहरनं (Karan Johar) सोशल मीडियावर शेअर केला आहे. या प्रोमोनं अनेकांचे लक्ष वेधले आहे.
जान्हवीनं काकाची केली मिमिक्री (Koffee With Karan 8)
करण जोहरनं कॉफी विथ करणचा प्रोमो सोशल मीडियावर शेअर केला आहे. या प्रोमोमध्ये दिसत आहे की, जान्हवी ही तिचे काका अनिल कपूर यांची मिमिक्री करताना दिसत आहे. तसेच जान्हवी ही करणला रॅपिड फायर राऊंडबद्दल देखील सांगताना दिसत आहे. ती म्हणते, 'एका पार्टीमध्ये मी लोकांना रॅपिड फायर प्रश्न मला विचारायला सांगत होते, तेव्हा नव्या मला म्हणाली, तू रेडी नाहीये, तू शोमध्ये जाऊ नकोस'
माजी मुख्यमंत्र्यांच्या नातवाचं घेतलं नाव
प्रोमोमध्ये दिसत आहे की, जान्हवीला करण विचारतो, 'तुझ्या फोनच्या स्पीड डायल लिस्टमध्ये 3 टॉप कॉन्टॅक्ट कोणाचे आहेत?' या प्रश्नाचं उत्तर देताना जान्हवी म्हणते, पप्पा, खुशू आणि शिखू (शिखर पहाडिया). शिखर पहाडिया हा महाराष्ट्राचे माजी मुख्यमंत्री सुशील कुमार शिंदे यांचा नातू आहे.जान्हवी ही शिखरला डेट करत आहे, अशी चर्चा गेल्या काही दिवसांपासून सोशल मीडियावर होत आहे.
बहिणीला दिला मोलाचा सल्ला
करण जोहरनं जान्हवीला प्रश्न विचारला की, 'जर खूशी अनन्या पांडेसोबत काम करत असेल तर तू तिला कोणता सल्ला देशील?' तर जान्हवी म्हणते, 'तिला जो मुलगा आवडतो तोच मुलगा तुला आवडणार नाही याची खात्री कर' कॉफी विथ करणच्या या आगामी एपिसोडची प्रेक्षक उत्सुकतेने वाट बघत आहेत.
पाहा प्रोमो:
View this post on Instagram
गुंजन सक्सेना, घोस्ट स्टोरीज, दोस्ताना 2, रूही यांसारख्या हिट चित्रपटांमध्ये जान्हवीनं काम केलं आहे. जान्हवी ही राजकुमार रावसोबत 'मिस्टर अँड मिसेस माही' या चित्रपटात काम करणार आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
