Kangana Ranaut : महाराष्ट्रातील काँग्रेस नेत्याच्या 'त्या' दाव्यावर कंगनाचा संताप; स्पष्टीकरणही दिलं, म्हणाली, 'मी स्वाभिमानी हिंदू'
Kangana Ranaut : अभिनेत्री कंगना रणौत ही निवडणुकांच्या रिंगणात उतरल्यापासून अनेक गोष्टींमुळे चर्चेत येत आहे. नुकतच एका वादग्रस्त वक्तव्यामुळे कंगना पुन्हा एकदा चर्चेत आलीये.
Kangana Ranaut on Vijay Wadettiwar : कंगना रणौतला (Kangana Ranaut) लोकसभेची उमेदवारी (Lok Sabha Election 2024) मिळाल्यापासून ती कोणत्यातरी कारणामुळे बरीच चर्चेत येतेय. कधी सुभाषचंद्र बोस यांच्यावरील वक्तव्यावरुन तर कधी काँग्रेसवर केलेल्या टीकेमुळे, कंगनाला नेटकऱ्यांच्या रोषालाही सामोरं जावं लागतंय. त्यातच पुन्हा एकदा वादग्रस्त वक्तव्यामुळे कंगनाने नेटकऱ्यांना झापलंय.
नुकतच काँग्रेस नेते विजय वडेट्टीवर यांनी कंगनाविरोधात आक्षेपार्ह वक्तव्य केलं होतं. कंगना बीफ खाते असा स्पष्ट उल्लेख करत वडेट्टीवारांनी कंगनावर निशाणा साधला होता. यावर कंगनाने ट्वीट करत स्पष्टीकरणही दिलं आहे. त्यामुळे सध्या विजय वडेट्टीवार विरुद्ध कंगना असा वाद पाहायला मिळतोय.
कंगनाने काय म्हटलं?
कंगनाने तिच्या ट्विटर अकाऊंटवर पोस्ट करत म्हटलं की, मी गोमांस किंवा कोणत्याही प्रकारचे केड मीट खात नाही. माझ्याबद्दल अशा निराधार अफवा पसरवल्या जात आहेत ही अत्यंत लज्जास्पद गोष्ट आहे. मी अनेक दशकांपासून योगा आणि आयुर्वेदिक जीवनशैलीचा प्रचार करत आहे आणि आता अशा डावपेचांनी माझी प्रतिमा शकणार नाही. माझे लोक मला ओळखतात. त्यांना माहित आहे मी कशी आहे ते आणि मी एक अभिमानी हिंदु आहे. त्यामुळे कोणीही त्यांची दिशाभूल करु शकत नाही. जय श्री राम.
I don’t consume beef or any other kind of red meat, it is shameful that completely baseless rumours are being spread about me, I have been advocating and promoting yogic and Ayurvedic way of life for decades now such tactics won’t work to tarnish my image. My people know me and…
— Kangana Ranaut (Modi Ka Parivar) (@KanganaTeam) April 8, 2024
विजय वडेट्टीवारांनी काय म्हटलं?
काँग्रेसचे नेते आणि विरोधी पक्षनेते विजय वडेट्टीवार यांनी गडचिरोलीमधील एका सभेतून कंगनावर निशाणा साधला होता. त्याचप्रमाणे भाजपकडून कंगनाला देण्यात आलेल्या उमेदवारीवरही त्यांनी टिका केली. कंगनावर बोलताना त्यांनी म्हटलं की, गोमांस खाणाऱ्या कंगना रणौतला भाजपने तिकीट दिलं आहे. यावर आता कंगनानेही तिचं स्पष्टीकरण दिलं असल्याचं पाहायला मिळतंय.
अभिनेत्री कंगना रणौत हिला भारतीय जनता पक्षाकडून हिमाचल प्रदेशातील मंडी या लोकसभा मतदारसंघातून तिकीट देण्यात आलं आहे. मागील काही दिवसांपासून कंगना राजकारणात येणार अशा चर्चा होत्या. पण तिला थेट लोकसभेचं तिकीट मिळाल्यानंतर या सर्व चर्चांना आता पूर्णविराम लागल्याचं पाहायला मिळतंय.
ही बातमी वाचा :
महत्त्वाच्या बातम्या
ट्रेंडिंग न्यूज
