Happy Birthday Rekha : Kangana Ranaut ने Rekha ला दिल्या वाढदिवसाच्या खास शुभेच्छा!

कंगना रनौतने रेखाला 'गॉडमदर' म्हणत सोशल मीडियावर वाढदिवसाच्या शुभेच्छा दिल्या आहेत.

कंगना_कनौत_-_रेखा

Happy Birthday Rekha : बॉलीवूडमध्ये आपल्या खास अदाकारीने लोकप्रिय असलेली अभिनेत्री रेखा (Rekha) आज 67 वा वाढदिवस साजरा करणार आहे. या खास दिवशी रेखाची फॅन आणि बॉलिवूडची क्वीन कंगना रनौतने (Kangana Ranaut) रेखाला खास शैलीत वाढदिवसाच्या शुभेच्छा दिल्या आहेत. कंगनाने सोशल मीडियावर एक खास संदेश लिहिला आहे. त्यात कंगनाने रेखाला 'गॉडमदर' म्हटले आहे. 

कंगनाने खास संदेश लिहित रेखाला दिल्या वाढदिवसाच्या शुभेच्छा
कंगनाने तिच्या इंस्टाग्राम अकाउंटवर रेखा सोबतचा जुना फोटो शेअर केला आहे. त्या फोटोवर तिने कॅप्शन लिहिले आहे, "माझी गॉडमदर असणाऱ्या प्रिय रेखाला वाढदिवसाच्या शुभेच्छा... शान आणि सौंदर्याची प्रतिकृती". कंगनाने शेअर केलेला हा फोटो विराट कोहली आणि अनुष्का शर्माच्या लग्नाच्या रिसेप्शन मधला आहे. कंगना आणि रेखा फोटोत छान पोझ देताना दिसून येत आहेत. 

कंगनाला झाशीची राणी म्हणते रेखा
एकीकडे कंगना रेखाला तिची 'गॉडमदर' म्हणत आहे. तेच रेखा एका गौरव सोहळ्यात म्हणाली होती, जर रेखाला मुलगी असती तर ती कंगनासारखीच असती. त्याच गौरव सोहळ्यात कंगनाने रेखाला एक खास पारितोषिक देखील दिले होते. त्यासोबत कंगनाचे मणिकर्णिका: द क्वीन ऑफ झाशी सिनेमा प्रदर्शित होण्याआधीच रेखा कंगणाला खऱ्या आयुष्यातील झाशीची राणी म्हणाली होती. 

रेखा रात्री 3 वाजता गेली होती कंगनाच्या घरी 
कंगना एका नामांकित वृत्तपत्राशी संवाद साधताना म्हणाली होती, रात्री 3 वाजता रेखा अवॉर्ड आणि फूलं घेऊन माझ्या घरी आली होती. 

रेखाने नेहा कक्कडला दिले होती खास भेट
इंडियन आयडॉलच्या शोच्या स्टेजवर हिंदी चित्रपट सृष्टीच्या प्रसिद्ध अभिनेत्री रेखा आल्या होत्या. त्यावेळी त्यांनी या शोची जर्ज असलेल्या नेह कक्कडला तिच्या लग्नाचे खास गिफ्ट दिले. रेखा यांनी नेहाला शगुन म्हणून कांजीवरम साडी भेट दिली आणि सोबतच आशीर्वादही दिले. रेखांच्या या गिफ्टमुळे नेहा कक्कड भारावून गेल्याचं पहायला मिळालं.

रेखाचे अमिताभवर किती प्रेम आहे?
एका मुलाखतीत रेखा यांना विचारण्यात आलं होतं की त्यांच अमिताभवर किती प्रेम आहे? यावर उत्तर देताना रेखा म्हणाल्या की, जगभरात जेवढं प्रेम आहे त्यापेक्षाही जास्त अमिताभवर प्रेम आहे. रेखा यांनी सांगितलं की, त्या आजपर्यंत अशा कोणत्याही व्यक्तीला भेटल्या नाहीत की जो अमिताभ बच्चन यांना पसंत करत नाही. मग अशा वेळी मी अमिताभ बच्चन यांना नापसंत कशी करु शकते असंही त्या म्हणाल्या.