एक्स्प्लोर

Jersey Trailer : Shahid Kapoor च्या 'जर्सी' सिनेमाचा ट्रेलर प्रदर्शित

शाहिद कपूरच्या आगामी जर्सी सिनेमाचा ट्रेलर प्रदर्शित केला आहे. 'जर्सी' सिनेमाच्या ट्रेलरमध्ये शाहिद कपूर क्रिकेटरचे पात्र साकारताना दिसतो आहे.

By : एबीपी माझा वेबटीम | Edited By: मंजिरी पोखरकर | Updated at : 23 Nov 2021 07:15 PM (IST)

जर्सी

Jersey Movie Trailer : शाहिद कपूरने (Shahid Kapoor) त्याच्या आगामी 'जर्सी' (Jersey) सिनेमाचा ट्रेलर प्रदर्शित केला आहे. 'जर्सी' सिनेमात शाहिद कपूर एका क्रिकेटरचे पात्र साकारणार आहे. शाहिदचा 'जर्सी' सिनेमा क्रिकेटवर भाष्य करणारा असणार आहे. सिनेमा 31 डिसेंबरला सिनेमागृहात प्रदर्शित होणार आहे.

सिनेमात शाहिद कपूर एका माजी क्रिकेटपटूची भूमिका साकारत आहे. सिनेमात मृणाल ठाकूर शाहिदच्या पत्नीची भूमिका साकारत आहे. गौतम तिन्ननुरी यांनी या सिनेमाचे दिग्दर्शन केले आहे. ट्रेलरमध्ये एक बेरोजगार, माजी क्रिकेटपटू त्याच्या मुलाचे जर्सी खरेदी करण्याचे स्वप्न साकार करण्याचा प्रयत्न करताना दिसतो आहे. घरोघरी जाऊन पैशाची व्यवस्था करण्याचादेखील तो प्रयत्न करतो आहे. शेवटी पत्नीच्या पाकिटातून पैसे चोरण्याचा प्रयत्न करतो.

शाहिद कपूरने सिनेमाचे पोस्टर शेअर करत कॅप्शनमध्ये लिहिले आहे,"हा सिनेमा खूप जवळचा आहे. या सिनेमाच्या प्रदर्शनासाठी दोन वर्षे वाट पाहिली आहे. हा सिनेमा लाखो प्रेक्षकांच्या हृदयाला स्पर्श करण्यात यशस्वी ठरणार आहे. या सिनेमाची दोन वर्ष वाट पाहिली आहे. या सिनेमाची कथा खास आहे. या सिनेमाची टीम खास आहे, या सिनेमातील पात्र खास आहे. आम्ही ते मोठ्या पडद्यावर आपल्या सर्वांसोबत शेअर करणार आहोत ही वस्तुस्थिती आहे. कृतज्ञता व्यक्त करण्यासाठी माझ्याकडे शब्द नाहीत".

संबंधित बातम्या