Purush : जयवंत दळवी यांच्या नाटकावर आधारित 'पुरुष' वेबसीरिज लवकरच प्रेक्षकांच्या भेटीला

Purush : जयवंत दळवी यांच्या नाटकावर आधारित 'पुरुष' ही सीरिज लवकरच प्रेक्षकांच्या भेटीला येणार आहे. घोषणा झाल्यापासून प्रेक्षक या सीरिजची प्रतीक्षा करत आहेत.

Purush

Purush : प्लॅनेट मराठी ओटीटी नेहमीच धमाकेदार विषय प्रेक्षकांकरिता घेऊन येतचं असतो . 'रानबाजार'च्या जागतिक यशानंतर आता  प्रेक्षकांच्या भेटीला 'पुरुष' (Purush) ही  नवीन वेबसीरीज लवकरच प्लॅनेट मराठी ओटीटीवर झळकणार आहे. नुकतेच  प्लॅनेट मराठी ओटीटीच्या अधिकृत सोशल मीडिया अकाऊंटवर या  वेबसीरिजची घोषणा करण्यात आली असून या टीझरला रसिकांनी लाईक्स आणि कमेंट्सचा वर्षाव केला आहे. 

तगडी स्टारकास्ट असलेली 'पुरुष' 

'पुरुष' ही वेबसीरिज जयवंत दळवी यांच्या नाटकावर आधारित आहे. समाजरचनेतील पुरुषी अहंकार आणि त्यांचे स्त्रियांबद्दलचे विचार तसेच वास्तविक जीवनावर भाष्य करणारी ही वेबसीरिज आहे. अक्षय बर्दापूरकर प्रस्तुत आणि अभिजित पानसे, श्रीरंग गोडबोले, प्रसन्न आजरेकर यांनी निर्मिती केली आहे. सचिन खेडेकर, मृण्मयी देशपांडे हे नामवंत कलाकार प्रमुख भूमिकेत दिसणार आहे.

प्रत्येक स्त्री पुरुषाने बघायला हवी 'पुरुष' : अभिजित पानसे 

अभिजित पानसे 'पुरुष' या सीरिजबद्दल बोलताना म्हणतात,"पुरुष ही वेबसीरिज पुरुष स्त्रियांबद्दल काय विचार करतात. स्त्रियांना माणूस म्हणून नाही तर लैंगिक वस्तू म्हणून पाहिलं जातं. याबद्दल स्त्रियांची प्रतिक्रिया या वेबसीरिजमध्ये पाहण्यासारखी आहे. त्यामुळे ही वेबसीरिज प्रत्येक स्त्री पुरुषाने बघायला हवी." 

 

 

 

 

 

View this post on Instagram

 

 

 

 

 

 

 

 

 

 

 

A post shared by Planet Marathi OTT (@planetmarathiott)

प्लॅनेट मराठीचे प्रमुख, संस्थापक अक्षय बर्दापूरकर म्हणतात, "अभिजित पानसे आणि प्लॅनेट मराठीच घट्ट नातं आहे. त्यांनी केलेली 'रानबाजार' वेबसीरिजला भरघोस यश मिळाल्यानंतर आता 'पुरुष' वेबसिरीज प्लॅनेट मराठीवर घेऊन येत आहोत. रानबाजार बघितल्यावर त्या वेबसिरीजचं कौतुक श्री. शाम बेनेगल, श्री. अमोल पालेकर, श्री. एन. चंद्रा यासारख्या दिग्गज व्यक्तींनी देखील केले आहे. अभिजित पानसे हे केवळ मराठीतीलच नव्हे तर देशातील एका उत्तम दिग्दर्शकांपैकी एक आहेत. ते कायम वेगळे प्रयोग करत असतात. पुरूष ही वेबसिरीज अशा प्रकारे तुम्हाला पाहायला मिळेल की असा प्रयोग जगात पहिल्यांदाच समोर येईल. त्यामुळे या वेबसीरिजला भरभरून प्रतिसाद मिळेल यात शंकाच नाही". त्यामुळे आता प्रेक्षक या सीरिजची आतुरतेने वाट पाहत आहेत. प्लॅनेट मराठी ओटीटी प्लॅटफॉर्मवर प्रेक्षकांना ही सीरिज पाहता येणार आहे.

संबंधित बातम्या