Bawaal Release Date : वरुण धवन-जान्हवी कपूरचा 'Bawaal' 'या' दिवशी येणार प्रेक्षकांच्या भेटीला; रिलीज डेट जाहीर
Bawaal : वरुण धवन आणि जान्हवी कपूरच्या बहुचर्चित 'बवाल' हा सिनेमा लवकरच प्रेक्षकांच्या भेटीला येणार आहे.
Janhvi Kapoor Varun Dhawan Bawaal Release Date Announced : बॉलिवूड अभिनेता वरुण धवन (Varun Dhawan) आणि जान्हवी कपूरच्या (Janhvi Kapoor) 'बवाल' (Bawaal) या सिनेमाची चाहत्यांना उत्सुकता आहे. आता निर्मात्यांनी सोशल मीडियावर एक खास पोस्ट शेअर करत या सिनेमाची रिलीज डेट जाहीर केली आहे.
'छिछोरे'च्या यशानंतर साजिद नाडियाडवाला (Sajid Nadiadwala) आणि नितेश तिवारी (Nitesh Tiwari) आता एका नवीन प्रोजेक्टच्या माध्यमातून प्रेक्षकांच्या भेटीला येणार आहे. 'छिछोरे' या सिनेमासाठी साजिद आणि नितेशला अनेक पुरस्कार मिळाले होते. आता ही जोडी 'बवाल' या सिनेमाच्या माध्यमातून प्रेक्षकांच्या भेटीला येणार आहे.
View this post on Instagram
'बवाल' या सिनेमाची रिलीज डेट जाहीर करत निर्मात्यांनी खास पोस्ट लिहिली आहे. त्यांनी लिहिलं आहे,"राष्ट्रीय पुरस्कार विजेते साजिद नाडियाडवाला आणि नितेश तिवारी 'बवाल' या सिनेमाच्या माध्यमातून पुन्हा एकदा सिनेसृष्टीत कमबॅक करत आहेत. 6 ऑक्टोबर 2023 रोजी जवळच्या सिनेमागृहात 'बवाल' सिनेमा नक्की पाहा. वरुण धवन आणि जान्हवी कपूर मुख्य भूमिकेत".
'बवाल'मध्ये झळकणार जान्हवी कपूर आणि वरुण धवन
'बवाल' या रोमॅंटिक सिनेमात जान्हवी कपूर आणि वरुण धनव मुख्य भूमिकेत झळकणार आहेत. आधी हा सिनेमा 7 एप्रिल 2023 रोजी सिनेमागृहात प्रदर्शित होणार होता. पण काही कारणाने या सिनेमाची रिलीज डेट पुढे ढकलण्यात आली. पण आता हा सिनेमा 6 ऑक्टोबर 2023 रोजी प्रेक्षकांच्या भेटीला येणार आहे. हा वरुण धवनचा बिग बजेट सिनेमा असल्याचे म्हटले जात आहे. या सिनेमाची निर्मिती नाडियाडवाला ग्रॅंडसन आणि साजिद नाडियाडवालाच्या बॅनरअंतर्गत करण्यात आली आहे.
वरुण धनवच्या 'बवाल' या सिनेमाचं शूटिंग पॅरिस, बर्लिन, पोलंड, एम्स्टर्डम, क्राको, वारसॉ या ठिकाणी झालं आहे. नितेश तिवारीने या सिनेमाचं दिग्दर्शन केलं आहे. या सिनेमाची घोषणा झाल्यापासून प्रेक्षक या सिनेमाची प्रतीक्षा करत आहेत. जान्हवी आणि वरुणसह या सिनेमात आणखी कोणते कलाकार झळकणार हे अद्याप समोर आलेलं नाही. आता या सिनेमाचं शूटिंग पूर्ण झालं असून प्रेक्षक सिनेमाची आतुरतेने वाट पाहत आहेत.
संबंधित बातम्या
Bawaal : वरुण-जान्हवीने 'बवाल'च्या शूटिंगला केली सुरुवात; फोटो शेअर करत दिली माहिती
महत्त्वाच्या बातम्या
