Gairee : निखळ मनोरंजनातून समाजप्रबोधन करणारा 'गैरी'; 16 डिसेंबरला प्रेक्षकांच्या भेटीला
Gairee : 'गैरी' हा मराठी सिनेमा येत्या 16 डिसेंबरला प्रेक्षकांच्या भेटीला येणार आहे.
Gairee : हिंदीसह मराठी सिनेसृष्टीतही वेगवेगळे प्रयोग होत आहे. विविध विषयांवर भाष्य करणारे सिनेमे प्रेक्षकांच्या भेटीला येत आहेत. लवकरच 'गैरी' (Gairee) हा सिनेमा प्रेक्षकांच्या भेटीला येणार आहे. उत्तम स्टारकास्ट असलेला, निखळ मनोरंजनातून आदिवासींच्या समस्या मांडणारा आणि विचार करायला लावणाऱ्या 'गैरी' या सिनेमाचा ट्रेलर आता आऊट झाला आहे.
आदिवासी समाजातल्या डॉक्टर होऊ पाहणाऱ्या एका तरुणाची गोष्ट असलेला 'गैरी' हा सिनेमा 16 डिसेंबरला प्रदर्शित होणार आहे. अभिनेता मयूरेश पेम, नम्रता गायकवाड, प्रणव रावराणे, आनंद इंगळे, केतन पवार, समीर खांडेकर, सुनील देव, कृतिका गायकवाड आणि देविका दफ्तरदार हे कलाकार या सिनेमात महत्त्वाच्या भूमिकेत आहेत.
View this post on Instagram
चित्रपटाचा टीजर आणि ट्रेलरमधून चित्रपटाच्या रंजक कथेचा अंदाज बांधता येतो. आदिवासींच्या समस्या मांडतानाच पुरेपूर मनोरंजन करत वास्तवाविषयी विचार करायला लावणारी कथा या सिनेमाच्या माध्यमातून मांडण्यात आली आहे. खुसखुशीत संवाद, उत्तम अभिनयाची मेजवानी या सिनेमात आहे. त्यामुळेच 'गैरी' सिनेमाविषयी प्रेक्षकांची उत्सुकता वाढली आहे.
युक्ता प्रॉडक्शन्स आणि द्विजराज फिल्म्स यांची निर्मिती असलेल्या "गैरी" या चित्रपटाचं लेखन, दिग्दर्शन पांडुरंग बाबुराव जाधव यांनी केलं आहे. गुरु ठाकूर आणि विष्णु थोरे यांनी गीतलेखन, अमितराज, मयुरेश केळकर यांचे संगीत दिग्दर्शन, फुलवा खामकर यांनी नृत्य दिग्दर्शन केलं आहे. वैशाली सामंत , अमितराज, मधुरा कुंभार, हृषिकेश शेलार यांनी गाणी गायली आहेत. तर पार्श्वसंगीत मयूरेश केळकर यांचं आहे.
संबंधित बातम्या
Akshaya-Hardeek Wedding : अखेर मुहूर्त ठरला! 'या' दिवशी राणा दा अन् पाठकबाईंच्या लग्नाचा बार उडणार
महत्त्वाच्या बातम्या
